JULAI 26, 2023 | HABARI ZIMEONGEZWA: DESEMBA 20, 2023
URUSI

HABARI ZA KARIBUNI—DADA AHUKUMIWA | ‘Sikuzote Yehova Yuko Pamoja Nami’

CHEZA

Desemba 19, 2023, Mahakama ya Wilaya ya Dimitrovskiy iliyo Kostroma ilimhukumu Dada Valentina Samus kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Valentina Samus

Alizaliwa: 1949 (Kostroma, Eneo la Kostroma)

Maisha Yake: Alikuwa muuguzi. Sasa amestaafu

Alifunga ndoa na Ivan mwaka wa 1970. Wana watoto wawili wakubwa, wa kike na wa kiume

Alimwomba Mungu amsaidie kumjua. Muda mfupi baadaye, alikutana na Mashahidi wa Yehova na akaanza kujifunza Biblia. Alibatizwa mwaka wa 2007

Maelezo ya Kibinafsi

Uhusiano wako na Yehova umeimarikaje katika kipindi hiki kigumu?

Nimekuwa na uhakika zaidi kwamba sikuzote Yehova atanisaidia na habadiliki kamwe. Yehova ni Baba yangu, na sikuzote yuko pamoja nami. Nimejionea mara nyingi kwamba ninaposali, hofu yangu inaondoka na wasiwasi unatulia. Nina uhakika kwamba Yehova ananisikiliza kwa hiyo ninaweza kumwambia kila kitu. Isitoshe, ninaamini kwamba chochote anachoruhusu kinipate, hatimaye kitakuwa kwa ajili ya faida yangu. Jambo hilo linanifanya nitamani kuwa mshikamanifu kwake katika hali yoyote ile. Tukiwa watumishi wa Yehova tunaendelea kumtumikia kwa shangwe licha ya mateso tunayopata na hilo linaonyesha wazi kwamba Yehova ana uwezo na anatulinda kiroho. Ninamwomba Yehova aendelee kunisaidia kudumisha imani yangu, na kwamba upendo wangu kwake usipoe bali uendelee kuwaka hata zaidi.

Tunafarijiwa sana kujua kwamba tunaweza kuendelea kumtegemea Yehova katika majaribu yetu yote tukiwa na uhakika “hakuna mwamba kama Mungu wetu.”—1 Samweli 2:2.

Mfuatano wa Matukio

Februari 17, 2022

Kesi ya uhalifu yafunguliwa
Machi 15, 2022

Msako wafanywa nyumbani kwao
Desemba 15, 2022

Ashtakiwa kuwa mhalifu na kuwekewa vizuizi
Machi 24, 2023

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI