MEI 6, 2022 | HABARI ZILIONGEZWA: FEBRUARI 21, 2023
URUSI

HABARI ZA KARIBUNI—DADA AHUKUMIWA | Tatyana Obizhestvit Anamtumaini Yehova

CHEZA

Februari 20, 2023, Mahakama ya Wilaya ya Vakhitovskiy iliyo Kazan katika Jamhuri ya Tatarstan ilimhukumu Dada Tatyana Obizhestvit kifungo cha nje cha miaka miwili. Hahitaji kwenda gerezani wakati huu.

Mfuatano wa Matukio

Januari 19, 2020

Wenye mamlaka walipekua nyumba ya Tatyana na nyumba nyingine kadhaa za Mashahidi wa Yehova huko Kazan. Tatyana alihojiwa kisha akapelekwa mahabusu
Januari 21, 2020

Aliachiliwa na kuwekwa katika kifungo cha nyumbani
Mei 25, 2021

Kesi ya uhalifu ilianza

Maelezo Mafupi Kumhusu

Tatyana Obizhestvit

Alizaliwa: 1962 (Kazan)

Maisha Yake: Alihitimu shule ya upishi. Alifanya kazi akiwa mpishi katika shule fulani na baadaye akawa muuguzi

Alijifunza Biblia na Mashahidi wa Yehova na alifurahi sana kujua kwamba anaweza kuishi milele. Licha ya kukabili upinzani mkali kutoka kwa familia, alibatizwa mwaka wa 1995. Amelea binti zake wawili. Alifiwa na mume wake mwaka wa 2010

Maelezo ya Kibinafsi

Ni nini kinachokusaidia kukabiliana na hisia za kuvunjika moyo katika kipindi ambacho umekuwa kifungo cha nyumbani?

Ninasali sana na kumwomba Yehova anipe nguvu za kuvumilia hali hii . . . Nilipowekwa katika kifungo cha nyumbani, nilijipata peke yangu. Sikuruhusiwa kutumia njia yoyote ya mawasiliano. Sikuruhusiwa kuwasiliana na wengine kutanikoni au kushirikiana na yeyote. Mwanzoni, hali hiyo ilikuwa ngumu sana. Nilivunjika moyo mara nyingi. Hata hivyo, nilijitahidi kuacha kufikiria hali yangu kupita kiasi. Kutafakari kwa nini hali hiyo ilikuwa ikitokea, kulinisaidia kukumbuka kwamba nilikuwa nikipitia hali hiyo kwa sababu ninampenda Yehova na ninataka kumpendeza. Hilo lilinisaidia kuacha kujihurumia sana.

Tunathamini sana mfano wa Tatyana wa kumtumaini Yehova na kuepuka kutegemea uelewaji wake mwenyewe huku akiendelea kuvumilia kwa uaminifu.—Methali 3:5.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI