DESEMBA 9, 2022 | HABARI ZILIONGEZWA: APRILI 25, 2023
URUSI

HABARI ZA KARIBUNI—DADA APIGWA FAINI | “Ninapata Amani kwa Kusali kwa Bidii Kutoka Moyoni”

CHEZA

Aprili 25, 2023, Mahakama ya Wilaya ya Metallurgicheskiy iliyo Chelyabinsk ilimhukumu Dada Irina Mikhaylenko. Alipigwa faini ya rubo 120,000 (dola 1,471 za Marekani).

Maelezo Mafupi Kumhusu

Irina Mikhaylenko

Alizaliwa: 1969 (Chelyabinsk, Eneo la Chelyabinsk)

Maisha Yake: Msimamizi wa ofisi ya wanasheria ambayo alishirikiana na mtu mwingine kuianzisha

Alivutiwa na jinsi unabii wa Biblia unavyotimzwa na pia jinsi kanuni za Biblia zinavyopatana na akili. Alibatizwa kuwa Shahidi wa Yehova mwaka wa 1997

Maelezo ya Kibinafsi

Ni nini kinachokusaidia kudumisha amani yako ya akili?

Mfano wa Yesu umenisaidia. Yesu alipokuwa na mfadhaiko alisali kwa bidii akiwa kwenye bustani ya Gethsemane. Hata baada ya kutiwa nguvu na malaika bado aliendelea kusali kwa bidii zaidi. (Luka 22:41-44) Kwa hiyo, ninapohisi wasiwasi au hofu, ninapata amani kwa kusali kwa bidii kutoka moyoni.

Kwa kuongezea, ninapenda maneno ya Ndugu Dmitriy Mikhaylov ambaye pia anakabiliana na kesi ya uhalifu. Yeye alisema hivi alipohojiwa: “Kadiri tunavyofikiri mambo tuliyokuwa nayo awali ndivyo tunavyozidi kuumia. Tunapokubali hali tuliyo nayo sasa, shangwe yetu inarudi mapema na hivyo tunaona hali hii kuwa fursa ya kumtumikia Yehova na kuwasaidia wengine.” Maneno yake yalinichochea kufikiri na nilipotumia ushauri huo nimepata shangwe nyingi zaidi na hilo limenichochea kuwa na mengi ya kufanya.

Tunatiwa moyo na bidii anayoonyesha Irina na jinsi anavyomtegemea Yehova. Yehova anaendelea kuulinda “uhai wa washikamanifu wake.”—Zaburi 97:10.

Mfuatano wa Matukio

Machi 26, 2019

Msako ulifanywa kwenye nyumba kumi za Mashahidi wa Yehova wanaoishi katika eneo la Chelyabinsk, kutia ndani nyumba ya Irina
Agosti 31, 2021

Kesi ya uhalifu ilifunguliwa
Oktoba 22, 2021

Nyumba yake ilifanyiwa msako tena. Alichukuliwa ili kuhojiwa. Wenye-mamlaka wakamwekea vizuizi vya kusafiri
Oktoba 27, 2021

Alishtakiwa rasmi kwa kushiriki katika utendaji wa shiriki lililopigwa marufuku
Septemba 7, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI