DESEMBA 8, 2022 | HABARI ZILIONGEZWA FEBRUARI 15, 2023
URUSI

HABARI ZA KARIBUNI—FAINI ZAPUNGUZWA | Wana Uhakika Yehova Anawategemeza

CHEZA

Februari 13, 2023, Mahakama Kuu ya Jamhuri ya Chuvash iliwapunguzia Dada Nina Martynova na Dada Zoya Pavlova faini walizotozwa kutoka rubo 350,000 (dola 4,780 za Marekani) hadi rubo 80,000 (dola 1,092 za Marekani). Hukumu ya kifungo cha nje walichopewa Ndugu Andrey Martynov na Ndugu Mikhail Yermakov haikubadilishwa.

Desemba 22, 2022, Mahakama ya Wilaya ya Alatyrskiy iliyo katika Jamhuri ya Chuvash iliwahukumu Andrey, Nina, Zoya, na Mikhail. Nina and Zoya walitozwa rubo 350,000 (dola 4,780 za Marekani) kila mmoja. Andrey na Mikhail walihukumiwa kifungo cha nje cha miaka sita kila mmoja. Hawahitaji kwenda gerezani wakati huu.

Maelezo Mafupi Kuwahusu

Andrey Martynov

Alizaliwa: 1964 (Barnaul, Eneo la Altai)

Maisha Yake: Alikuwa dereva

Andrey na Nina walianza kujifunza Biblia pamoja kabla ya kufunga ndoa. Walifunga ndoa mwaka wa 1992 na wakabatizwa mwaka huohuo. Wana mabinti wawili

Maelezo ya Kibinafsi

Ni nini kimekusaidia kuendelea kumtumaini Yehova?

Ninapohisi kwamba sijui jinsi ya kushughulikia hali fulani, mimi hutua na kujikumbusha kwamba Yehova ni kichwa cha familia kubwa sana. Ana uzoefu mwingi zaidi na hekima isiyo na kifani. Isitoshe, kwa kuwa yeye ni baba mzuri, anatoa mwongozo kwa watu wa familia yake, kutia ndani mimi. Ninathamini sana mwongozo huo na ningependa kufanya yote niwezayo ili kuufuata. Ninapoona jinsi ambavyo amenisaidia kukabiliana na matatizo ya kimwili na kihisia ambayo yamesababishwa na uchunguzi unaoendelea, ninasadiki kwamba hakuna hali inayomshinda Yehova. Jambo hilo limeiimarisha uhusiano wangu naye.

Zoya Pavlova

Alizaliwa: 1965 (Ibresi, Jamhuri ya Chuvash)

Maisha Yake: Alikuwa yatima akiwa na miaka miwili. Alifanya kazi katika mashirika yanayoandaa makao na huduma nyingine kwa jamii hadi alipostaafu

Alianza kujifunza Biblia katika mwaka wa 2016. Alijifunza kuhusu upendo wa Yehova na jinsi anayowatendea wanadamu kwa hisia-mwenzi na mambo hayo yalimgusa moyo. Alibatizwa mwaka wa 2018

Maelezo ya Kibinafsi

Yehova amekutegemeza jinsi gani katika kipindi hiki?

Mambo yalikuwa magumu sana hasa nilipokuwa nikihojiwa mwanzoni. Lakini wakati huo nilianza kujionea mkono wa Yehova kwa njia ya pekee. Kila siku, yeye hunitegemeza kihisia na kiroho kama tu alivyoahidi kwenye Isaya 41:10. Vilevile, ninathamini sana msaada ambao ninapata kutoka kwa familia moja. Ndugu huyo na mke wake wanakabili hali kama yangu. Wao pia wako chini ya uchunguzi na wanakabili changamoto nyingine, hata hivyo, kila juma wananialika kwenye funzo lao la familia. Ninapowatembelea ninatiwa moyo sana. Ingawa kutakuwa na magumu mengine mbele ya safari, nina uhakika kabisa kwamba nitaendelea kuvumilia kwa sababu ninajua Yehova yuko pamoja nami.

Kama ndugu na dada zetu wanaoendelea kuwa imara licha ya mateso, sisi pia tunaweza kuwa na “ujasiri kama simba” tunapokabili majaribu, tukiwa na uhakika kwamba Yehova anatupenda na atatugemeza.—Methali 28:1.

Mfuatano wa Matukio

Juni 23, 2021

Nyumba kadhaa zilifanyiwa msako huko Alatyr
Oktoba 28, 2021

Andrey alianza kuchunguzwa kwa madai kwamba alipanga utendaji wa shirika lenye msimamo mkali. Aliwekewa vizuizi vya kusafiri
Aprili 25, 2022

Andrey alishtakiwa rasmi. Nina aliongezwa kwenye kesi na akashtakiwa kwa kushiriki katika utendaji wa shirika lenye msimamo mkali
Aprili 26, 2022

Zoya alishtakiwa rasmi kwa kushiriki katika utendaji wa shirika lenye msimamo mkali na akaongezwa kwenye kesi
Aprili 28, 2022

Mikhail alishtakiwa rasmi kwa kupanga utendaji wa shirika lenye msimamo mkali na akaongezwa kwenye kesi
Agosti 31, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI