OKTOBA 17, 2022 | HABARI ZIMEONGEZWA: MACHI 7, 2024
URUSI

HABARI ZA KARIBUNI—HUKUMU | Kesi ya Mashahidi Kumi na Watatu Yasikilizwa Jijini Magadan

CHEZA

Machi 6, 2024, Mahakama ya Jiji la Magadan iliyo katika Eneo la Magadan iliwahukumu ndugu na dada wafuatao: Sergey Agadzhanov, Lyubov Asatryan, Galina Dergacheva, Inna Kardakova, Irina Khvostova, Galina Pechko, Konstantin Petrov, Ivan Puyda, Viktor Revyakin, Mikhail Solntsev, Oksana Solntseva, Sergey Yerkin, na Yevgeniy Zyablov.

Ndugu Sergey Agadzhanov, Lyubov, Galina Dergacheva, Inna, Irina, Galina Pechko, Viktor, Mikhail, na Oksana walihukumiwa kifungo cha nje cha miaka mitatu. Yevgeniy alihukumiwa kifungo cha nje cha miaka mitano. Konstantin, Ivan, na Sergey Yerkin walihukumiwa kifungo cha nje cha miaka saba. Ndugu na dada hao hawahitaji kwenda gerezani wakati huu.

Mfuatano wa Matukio

Mei 30, 2018

Kesi ya uhalifu ilifunguliwa dhidi ya Ivan, Konstantin, Sergey Yerkin, na Yevgeniy kwa shtaka la kupanga utendaji wa shirika lenye msimamo mkali
Juni 1, 2018

Ndugu hao wanne waliwekwa mahabusu
Agosti 3, 2018

Konstantin aliachiliwa kutoka mahabusu na kuwekwa katika kifungo cha nyumbani
Oktoba 5, 2018

Ivan, Sergey Yerkin, na Yevgeniy waliachiliwa kutoka mahabusu na kuwekwa katika kifungo cha nyumbani
Machi 20, 2019

Kesi ya uhalifu ilifunguliwa dhidi ya Sergey Agadzhanov, Galina Dergacheva, Inna, Irina, Lyubov, Mikhail, Oksana, na Viktor. Kisha wote hao waliwekewa vizuizi vya kusafiri
Machi 27, 2019

Ivan, Konstantin, Sergey Yerkin, na Yevgeniy waliachiliwa kutoka kwenye kifungo cha nyumbani na kuwekewa vizuizi vya kusafiri
Aprili 1, 2019

Wenye mamlaka waliunganisha kesi hizo za uhalifu
Machi 2, 2021

Galina Pechko aliwekewa vizuizi vya kusafiri
Machi 5, 2021

Galina Pechko alishtakiwa kwa kushiriki utendaji wa shirika lenye msimamo mkali na kesi yake iliunganishwa na kesi ya ndugu na dada wengine 12
Aprili 25, 2022

Kesi ya uhalifu ilianza

Maelezo Mafupi Kuwahusu

Lyubov Asatryan

Alizaliwa: 1951 (Ganja, Azerbaijan)

Maisha Yake: Ni mtoto wa mwisho kati ya watoto sita. Alifanya kazi katika maabara kwenye kampuni ya kutengeneza dawa

Siku zote alihuzunishwa na ukatili uliokuwa ukiendelea. Alifurahi sana alipojifunza katika Biblia kwamba Mungu ataondoa uovu wote hivi karibuni. Alibatizwa 1991

Maelezo ya Kibinafsi

Ni nini kimekusaidia kuendelea kuwa mtulivu?

Nimeazimia kwamba sitaruhusu woga uingie moyoni mwangu kwa sababu nikifanya hivyo nitaingiwa na shaka. Ninajua ninapaswa kushikamana na mambo muhimu, yaani, kusali bila kuacha, kumweleza Yehova hisia zangu za ndani kabisa, kumtegemea kikamili, na kuendelea kukumbuka kwamba Yehova ana nguvu nyingi. Ikiwa nitaendelea kufanya mambo haya, nina uhakika kwamba Baba yangu mpendwa aliye mbinguni atashangilia.—Methali 27:11.

Inna Kardakova

Alizaliwa: 1980 (Blagoveshchensk, Eneo la Amur)

Maisha Yake: Alifanya kazi ya uhasibu

Wazazi wake walianza kujifunza Biblia pamoja na Mashahidi wa Yehova, Inna alipokuwa na umri wa miaka 15. Alibatizwa mwaka wa 1997

Maelezo ya Kibinafsi

Kufuata mwongozo wa kitheokrasi kumekusaidiaje?

Niliposikia kwa mara ya kwanza kwamba Mashahidi wameanza kuteswa katika nchi yetu, wakati huo, sikufikiria jinsi jambo hilo lingeniathiri kibinafsi. Hata hivyo, tulitiwa moyo tusome makala mbalimbali ambazo zingetusaidia kujitayarisha kwa ajili ya mateso. Kwa kuongezea, tulipewa mwongozo kuhusu mambo hususa ambayo tungeweza kufanya. Nina furaha kwa sababu nilitumia mapendekezo hayo. Kwa kuwa nilikuwa nimejitayarisha kihisia, nilikuwa na utulivu maofisa wa polisi walipokuwa wakifanya msako na waliponihoji.

Tunatiwa moyo sana tunapowaona ndugu na dada zetu wakiendelea kuwa na shangwe licha ya ‘kushutumiwa kwa ajili ya jina la Kristo, huku roho ya Mungu, ikiwa imetulia juu yao.’—1 Petro 4:14.

a Hatukuweza kupata maelezo kutoka kwa Ndugu Sergey Agadzhanov.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI