MEI 16, 2022 | HABARI ZILIONGEZWA: APRILI 3, 2023
URUSI

HABARI ZA KARIBUNI—HUKUMU YA GEREZANI | Sergey Ananin Anaimarisha Tumaini Lake Katika Mungu

CHEZA

Mahakama ya Jiji la Belovo iliyo katika Eneo la Kemerovo ilimhukumu Ndugu Sergey Ananin kifungo cha miaka sita gerezani. Alipelekwa gerezani moja kwa moja kutoka mahakamani.

Mfuatano wa Matukio

Februari 9, 2021

Mashtaka ya uhalifu yalifunguliwa dhidi yake. Alishtakiwa kwamba anaunga mkono utendaji wa shirika lenye msimamo mkali
Februari 14, 2021

Alikamatwa na kuwekwa kizuizini
Februari 16, 2021

Aliwekwa kwenye kifungo cha nyumbani
Januari 25, 2022

Kesi ya uhalifu ilianza

Maelezo Mafupi Kumhusu

Sergey Ananin

Alizaliwa: 1967 (Shchuchye, Eneo la Kurgan)

Maisha Yake: Anapenda kucheza gitaa. Kabla ya kuwekwa kwenye kifungo cha nyumbani, alifanya kazi katika kiwanda cha umeme

Alifunga ndoa na Yelena mwaka wa 1988. Wana mabinti wawili

Sergey na mke wake walianza kujifunza Biblia na Mashahidi wa Yehova mwaka wa 1995. Wote walibatizwa mwaka wa 1996

Maelezo ya Kibinafsi

Je, kuna mistari ya Biblia ambayo imeimarisha tumaini lako katika Yehova?

Zaburi 113:5-7 inasema: “Ni nani aliye kama Yehova Mungu wetu, anayekaa juu? Huinama chini ili atazame mbingu na dunia, akimwinua mtu wa hali ya chini kutoka mavumbini. Humwinua juu maskini kutoka kwenye rundo la majivu.” Kwa maneno mengine, Yehova hatutazami tu tunapokabiliana na hali ngumu lakini ‘anainama chini’ na kutukazia fikira kwa njia ya pekee. . . . Hata tuwe tunakabiliana na matatizo ya aina gani, Yehova anayaona yote na atatupa msaada tunaohitaji. . . . Kuelewa hilo kunanifanya nijihisi nikiwa salama, kunaimarisha tumaini langu katika Yehova, na kunisaidia kuendelea kuwa mwaminifu kwake.

Tuna uhakika kwamba Yehova Mungu ataendelea kuwaonyesha upendo mwingi, kuwategemeza, na kuwabariki ndugu na dada zetu nchini Urusi na watumishi wake wote waaminifu walio duniani.—Malaki 3:10.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI