NOVEMBA 15, 2023 | HABARI ZIMEONGEZWA: MACHI 13, 2024
URUSI

HABARI ZA KARIBUNI—HUKUMU YABADILISHWA | “Nimeazimia Kumtegemea Yehova”

CHEZA

JMachi 12, 2024, Mahakama ya Mkoa wa Kemerovo ilibadili hukumu ya Ndugu Pavel Brilkov baada ya kukata rufaa. Hukumu yake ya mwanzo ya kazi ngumu gerezani alibadilishwa na kuwa kifungo cha nyumbani cha miaka miwili. Hahitaji kwenda gerezani wakati huu.

Januari 15, 2024, Mahakama ya Wilaya ya Prokopyevsk ilikuwa imemhukumu Ndugu Pavel Brilkov kifungo cha miaka miwili na miezi kumi ya kazi ngumu. a Hahitaji kwenda gerezani wakati huu.

Maelezo Mafupi Kumhusu

Pavel Brilkov

Alizaliwa: 1958 (Prokopyevsk, Eneo la Kemerovo)

Maisha Yake: Alitengeneza maumbo ya kujenga kuta za zege. Alifunga ndoa na Vera mwaka wa 2017

Kujifunza kile ambacho Ufalme wa Mungu utawafanyia wanadamu kulimchochea kufanya mabadiliko maishani. Alibatizwa na kuwa Shahidi wa Yehova mwaka wa 2019

Maelezo ya Kibinafsi

Ni mstari gani wa Biblia ambao umekusaidia kuimarisha uhusiano wako na Yehova?

Ninapenda maneno ya Isaya 64:8: “Ee Yehova, wewe ni Baba yetu. Sisi ni udongo, nawe ni Mfinyanzi wetu; Sisi sote ni kazi ya mkono wako.” Kupitia mstari huo, ninamsikia Yehova akinihakikishia kwamba mimi ni mwenye thamani kwake. Nimeazimia kumtegemea Yehova akiwa Baba yangu. Tayari amenifanyia mambo mengi sana. Amejibu sala zangu kwa njia zenye kustaajabisha na kunionyesha jinsi anavyonipenda. Sina shaka kwamba atatimiza ahadi zake na kutatua matatizo yetu yote.

Ingawa tunasikitishwa na mateso ambayo ndugu na dada zetu wanakabili, tumeazimia kuonyesha “mtazamo wa kumngojea Mungu wa wokovu” wetu tunapotazamia baraka za wakati ujao kwa uhakika.—Mika 7:7.

Mfuatano wa Matukio

Novemba 10, 2021

Nyumba yao ilifanyiwa upekuzi. Pavel na Vera walihojiwa
Mei 30, 2022

Kesi ya uhalifu ilifunguliwa
Machi 16, 2023

Waliwekewa vizuizi vya kusafiri
Mei 25, 2023

Kesi ya uhalifu inaanzaN

a Mtu anayepewa adhabu ya kufanya kazi ya kulazimishwa hupewa kazi ya kufanya na wenye mamlaka kisha mapato yake yanaweza kukatwa kwa asilimia 5 hadi 20. Ikiwa wenye mamlaka wataamua kwamba mtu huyo hana ushirikiano au anakataa kufanya kazi, basi anaweza kupelekwa gerezani.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI