DESEMBA 21, 2021| HABARI ZILIONGEZWA: DESEMBA 6, 2022
URUSI

HABARI ZA KARIBUNI—HUKUMU YABATILISHWA | Dada Yelena Menchikova Ameimarishwa na Mifano ya Uaminifu na Kusali kwa Rafiki Yake Mpendwa, Yehova

CHEZA

Desemba 5, 2022, Mahakama ya Tano ya Kuchunguza Upya Maamuzi ya Mahakama za Chini ilibatilisha hukumu ya Dada Yelena Menchikova. Kesi yake itarudishwa ili kusikilizwa upya.

Februari 15, 2022, Mahakama Kuu katika Jamhuri ya Karachayevo-Circassian ilikataa ombi la rufaa la Yelena. Hahitaji kwenda gerezani wakati huu.

Mfuatano wa Matukio

Desemba 15, 2021

Mahakama ya Jiji la Cherkessk katika Jamhuri ya Karachayevo-Circassian ilimhukumu Yelena kifungo cha nje cha miaka mitano
Juni 9, 2021

Kesi ya uhalifu ilianza kusikilizwa
Machi 9, 2021

Mpelelezi alifungua kesi ya pili ya uhalifu, pindi hii akidai Yelena “alianzisha mpango wa uhalifu” wa kuwahusisha wengine katika utendaji wa shirika lenye msimamo mkali
Februari 10, 2021

Mpelelezi alikataa ombi la Yelena la kufuta kesi hiyo baada ya Yelena kunukuu mistari ya Biblia kueleza kwa nini alifanya hivyo. Kulingana na mpelelezi huyo, matumizi yake ya mistari ya Biblia ndiyo iliyothibitisha utendaji wake ni “utendaji wa kihalifu”
Novemba 13, 2020

Mpelelezi alimfungulia kesi ya uhalifu kwa sababu ya kuimba nyimbo na kusali kwa Yehova
Novemba 12, 2020

Wenye mamlaka walifanya upekuzi katika nyumba ya Yelena kwa mara ya pili
Desemba 16, 2019

Maofisa wa FSB katika jiji la Cherkessk walifanya upekuzi katika nyumba za familia kumi za Mashahidi wa Yehova, kutia ndani nyumba ya Yelena

Maelezo Mafupi Kumhusu

Yelena Menchikova

Alizaliwa: 1964 (Zaporzhye, Ukrainia)

Maisha Yake: Alilelewa katika makao ya kuwatunzia mayatima. Alifanya kazi katika ujenzi wa mtambo wa nguvu za nyuklia, na hilo lilimletea matatizo ya afya. Alifanya kazi akiwa mchoraji wa ramani za ujenzi kuanzia mwaka wa 2003

Alikuwa na imani ya kwamba hakuna Mungu. Kujifunza Biblia pamoja na Mashahidi wa Yehova kulimsadikisha kwamba kuna muumba ambaye ana kusudi muhimu kwa ajili ya dunia. Alibatizwa mwaka wa 1995. Anapenda kwenda matembezi na kuchora

Maelezo ya Kibinafsi

Sala imekusaidiaje kuimarisha uhusiano wako na Yehova?

[Ninafurahia] kusali kwa muda mrefu ninapokuwa matembezi, nikiwa nimezungukwa na uumbaji wa Mungu. . . . Nimejifunza kummiminia Yehova moyo wangu na kumweleza mawazo, hisia, na mahangaiko yangu. Yehova anapoendelea kunipa amani na utulivu, hilo hunifanya nimkaribie zaidi na zaidi.

Yehova amekuwa Rafiki yangu wa karibu zaidi na sikuzote yuko tayari kunisaidia ninapokabili tatizo lolote. Iwe hali ni nzuri au la, sikuzote ninajua ninaweza kusali kwake.

Mifano ya wanawake waaminifu wanaotajwa katika Biblia inakusaidiaje?

Mifano ya wanawake waaminifu kama vile Sara, Rahabu, Hana, na Maria imenisaidia sana. . . . Wanawake hao walikabili matatizo makubwa sana. Licha ya hayo, walifanya yote wawezayo kutenda kwa ujasiri na kufanya pigano kali kwa ajili ya imani yao, na Yehova aliwathawabisha sana kwa ushikamanifu wao.

Tunasali kwamba Yehova ataendelea kumfariji na kumwimarisha Yelena pamoja na watumishi wake wote washikamanifu wanaokabili majaribu.—Zaburi 119:49, 50.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI