JULAI 14, 2021 | HABARI ZILIONGEZWA: DESEMBA 2, 2022
URUSI

HABARI ZA KARIBUNI—HUKUMU YATANGAZWA | Kujitayarisha kwa Ajili ya Mateso Kunawasaidia Ndugu Watatu Kudumisha Ushikamanifu

CHEZA

Novemba 30, 2022, Mahakama ya Wilaya ya Ussuriyskiy katika Eneo la Primorye imewahukumu Ndugu Anton Chermnykh, Ndugu Sergey Korolchuk, na Ndugu Dmitriy Tishchenko vifungo vya nje vya miaka sita. Hawahitaji kwenda gerezani wakati huu.

Mfuatano wa Matukio

Septemba 23, 2020

Kesi dhidi ya Anton, Sergey, na Dmitriy ilianza kusikilizwa mahakamani
Julai 7, 2020

Anton, Sergey, na Dmitriy walishtakiwa rasmi kwa kuwa viongozi wa shirika la kidini lililopigwa marufuku na lenye “msimamo mkali”
Juni 18, 2019

Sergey aliwekwa mahabusu kwa siku mbili

Maelezo Mafupi Kuwahusu

Anton Chermnykh

Alizaliwa: 1987 (Magdeburg, Ujerumani)

Maisha Yake: Ana pacha wa kiume na alipokuwa mtoto baba yao aliiacha familia yao. Baada ya kumaliza shule, alifanya kazi ya kushughulikia programu za kompyuta

Alijifunza kweli kutoka kwa mama yake. Alipendezwa sana na ujumbe wa wazi wa Biblia kuhusu kusudi la uhai. Alibatizwa na kuwa Shahidi wa Yehova mnamo 2004. Alifunga ndoa na Yekaterina mwaka wa 2013. Wana binti mmoja, Milana

Maelezo ya Kibinafsi

Ulifanya nini ili kujitayarisha mapema kwa ajili ya mateso unayoweza kukabili?

Nilifikiria kuhusu mateso mara nyingi na kufikiria ni mambo gani tofauti ambayo mimi na familia yangu tungeweza kukabili. Sikuzote nilijaribu kudumisha ratiba nzuri ya funzo la kibinafsi. Hasa akina ndugu walipoanza kukamatwa nchini Urusi, nilifahamu kwamba ningeweza kuwekwa mahabusu ambapo nisingeweza kupata Biblia au machapisho.

Sergey Korolchuk

Alizaliwa: 1967 (Vladivostok, Eneo la Primorye)

Maisha Yake: Alipata mafunzo jeshini na akawa ofisa katika Halmashauri ya Usalama wa Taifa (KGB). Baadaye alifanya kazi katika kampuni ya fanicha. Hivi karibuni amefanya kazi za usafi. Alifunga ndoa na Yelena mwaka wa 1989. Wana watoto wawili

Alipendezwa na ufafanuzi wa Biblia kuhusu matukio ya ulimwengu na tumaini la wakati ujao. Alibatizwa na kuwa Shahidi wa Yehova mwaka wa 1993

Maelezo ya Kibinafsi

Umejifunza nini wakati huu mgumu ambalo litakusaidia imani yako inapojaribiwa wakati ujao?

Nimejionea kwamba kila kitu kinatendeka kama Kristo alivyosema. Hatuhitaji kuwa na wasiwasi kupita kiasi. Badala yake tunahitaji kuwa watulivu, na inapowezekana, tuwaeleze wengine kuhusu kweli kwa busara na kwa heshima. Niko tayari kwa ajili ya uamuzi wowote utakaotolewa na mahakama, na familia yangu pia imejitayarisha.

Kesi yao inapoendelea kusikilizwa, tunajua kwamba Yehova atabariki uaminifu wa Anton, Sergey, na Dmitriy.—Methali 28:20.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI