APRILI 8, 2024 | HABARI ZIMEONGEZWA: JULAI 1, 2024
URUSI

HABARI ZA KARIBUNI—HUKUMU ZA GEREZANI | Wanauona Mkono wa Yehova Wakiwa Mahabusu

CHEZA

Juni 26, 2024, Mahakama ya Jiji la Novocherkassk iliyo katika Eneo la Rostov iliwahukumu Dada Lyubov Galitsyna, Ndugu Garegin Khachaturyan, na Ndugu Gevorg Yeritsyan. Dada Lyubov alihukumiwa kifungo cha miaka miwili na miezi mitatu gerezani, lakini kwa kuwa amekuwa katika kifungo cha nje, kifungo chake kimekamilika. Ndugu Garegin alihukumiwa kifungo cha miaka sita na miezi sita na Ndugu Gevorg akahukumiwa kifungo cha miaka sita na miezi miwili gerezani. Ndugu wote wawili wataendelea kukaa kifungoni.

Maelezo Mafupi Kuwahusu

Lyubov Galitsyna

Alizaliwa: 1959 (Plastunovskaya, Eneo la Krasnodar)

Maisha Yake:Alifanya kazi akiwa injinia kiwandani kabla ya kustaafu

Alipenda kujifunza Biblia baada ya kujua kuhusu tumaini la kuishi bila magonjwa au kifo. Alibatizwa na kuwa Shahidi wa Yehova mwaka wa 1995

Alifiwa na mume wake mwaka wa 2015

Maelezo ya Kibinafsi

Ulijionea msaada wa Yehova jinsi gani kwa muda wa mwaka mmoja na miezi minne ulipokuwa mahabusu?

Haikuwa rahisi kukaa kwenye seli moja pamoja na watumiaji wa dawa za kulevya, wezi, na wahalifu wengine. Nilikuwa na mkazo. Nilimwomba Yehova anisaidie ili nijue jinsi ya kushughulika na hali hiyo, pindi nyingine nilisali hata usiku kucha. Nilikaa na watu tofauti zaidi ya 25 nilipokuwa mahabusu. Kwa msaada wa Yehova, niliweza kujenga uhusiano mzuri na kila mmoja wao tulipokuwa pamoja katika seli hiyo. Pia, Yehova alinisaidia kutumia wakati huo kutambua udhaifu wangu na kuushughulikia. Ninafurahi kwamba nimeweza kutumia fursa hiyo kuboresha utu wangu wa Kikristo.

Garegin Khachaturyan

Alizaliwa: 1967 (Azerbaijan)

Maisha Yake: Alifanya kazi akiwa seremala. Alihamia Urusi mwaka wa 1995 baada ya kuishi Poland na Ujerumani

Alivutiwa na usahihi wa Biblia na manufaa ya kutumia kanuni zake. Alibatizwa mwaka wa 1994

Alifunga ndoa na Kseniya mwaka wa 2008. Wana mwana mmoja

Maelezo ya Kibinafsi ya Kseniya a Mke wa Garegin

Ni nini kinachokusaidia wewe na mume wako kuvumilia?

Garegin aliniandikia hivi: “Ninamshukuru sana Yehova kwa utegemezo wake. Nimepata kitia-moyo kupitia barua zinazotegemea Maandiko zinazotumwa na ndugu na dada wa kutanikoni. Kujua kwamba wanakuhangaikia wewe pia hunisaidia kuwa mtulivu. Kwa kweli, sijawahi kuhisi nikiwa karibu na Yehova kama ilivyo sasa.” Mimi pia ninahisi hivyo. Sasa, tunajihisi tukiwa karibu zaidi na Yehova, na kila kukicha tunaona mkono wake.

Tuna uhakika kwamba ingawa wapinzani wetu wameazimia kutudhuru, Yehova ataendelea kuwabariki watumishi wake washikamanifu na kufanya “hali hiyo ibadilike na kuwa njema.”—Mwanzo 50:20

Mfuatano wa Matukio

Agosti 11, 2022

Kesi ya uhalifu ilifunguliwa dhidi ya Lyubov, Garegin, na Gevorg. Nyumba zao zilifanyiwa msako. Garegin na Gevorg waliwekwa kizuizini
Agosti 12, 2022

Garegin na Gevorg walihamishiwa mahabusu
Agosti 16, 2022

Lyubov aliwekwa kizuizini
Agosti 17, 2022

Lyubov alihamishiwa mahabusu
Septemba 20, 2023

Kesi ya uhalifu ilianza
Desemba 25, 2023

Lyubov alitolewa mahabusu na kuwekwa katika kifungo cha nyumbani

a b Makala hii ilipokuwa ikitayarishwa, Ndugu Khachaturyan na Ndugu Yeritsyan walikuwa mahabusu, hivyo hatukuweza kupata maelezo kutoka kwao.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI