MEI 25, 2022
URUSI

HABARI ZA KARIBUNI | “Hakuna Sababu ya Kulemewa na Woga”

CHEZA

Mahakama ya Wilaya ya Metallurgichesky ya Chelyabinsk ilimhukumu Ndugu Pavel Popov kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Machi 26, 2019

Kikundi cha watu kumi waliofunika nyuso zao huku wakiwa wamebeba bunduki na nyundo walivamia na kupekua nyumba ya Pavel
Aprili 22, 2021

Kesi ya uhalifu ilifunguliwa
Mei 18, 2021

Wenye mamlaka walipekua nyumba ya Pavel kwa mara ya pili. Mke wa Pavel anayeitwa Yelena, na binti yao mwenye umri wa miaka 13 walipelekwa kuhojiwa
Agosti 31, 2021

Pavel aliwekwa kwenye orodha ya magaidi na watu wenye msimamo mkali
Novemba 29, 2021

Kesi ya uhalifu ilianza

Maelezo Mafupi Kumhusu

Pavel Popov

Alizaliwa: 1977 (Novokuznetsk, Eneo la Kemerovo)

Maisha Yake: Alianza kuvuta sigara na kunywa pombe akiwa na umri mdogo kwa sababu hakuwa na furaha nyumbani. Pavel alipokuwa na umri wa miaka 15, baba yake alikufa. Alifanya kazi ya kuchomelea vyuma

Alipendezwa na Biblia baada ya kujifunza kuhusu ahadi ya kuishi milele katika Paradiso. Alianza kujifunza pamoja na Mashahidi wa Yehova mwaka wa 1994. Alivutiwa na jinsi Biblia ilivyo na upatano na jinsi unabii unavyotimizwa kwa usahihi. Alibatizwa mwaka wa 1995

Alifunga ndoa na Yelena mwaka wa 2003. Wana binti mmoja

Maelezo ya Kibinafsi

Ni nini kimekusaidia usilemewe na woga?

Yesu alisema kwamba ikiwa tutakamatwa na kupelekwa kwa wenye mamlaka tunapaswa kutumia nafasi hiyo kutoa ushahidi. (Mathayo 10:18) Huenda si jambo la kawaida au linalofurahisha kutoa ushahidi mbele ya wenye mamlaka, lakini ninapata msaada kutoka kwa Yehova na kutoka kwa ndugu na dada ili nifaulu kufanya hivyo. Hilo linanihakikishia kwamba sina sababu ya kulemewa na woga. . . . Nimejifunza kwamba, siku zote tunapata baraka baada ya kukabili majaribu. Nikiendelea kujitahidi kuwaeleza wengine kuhusu jina la Mungu na Ufalme wake ninaweza kushinda hisia zozote za woga.

Tunajua kwamba Yehova ataendelea kuwategemeza na kuwathawabisha watumishi wake waaminifu, ambao wanaendelea kudumisha utimilifu wao kwa ujasiri licha ya majaribu.—2 Samweli 22:19-21.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI