APRILI 8, 2022 | HABARI ZILIONGEZWA: FEBRUARI 16, 2023
URUSI

HABARI ZA KARIBUNI—KIFUNGO CHA GEREZANI | Baba Anashughulikia Mahitaji ya Kiroho ya Familia Yake Akiwa Kifungoni

CHEZA

Februari 15, 2023, Mahakama ya Wilaya ya Sovetskiy iliyoko Kazan ilimhukumu Ndugu Konstantin Sannikov kifungo cha miaka sita na nusu gerezani. Konstantin amekuwa mahabusu tangu Agosti 2020 na ataendelea kubaki huko.

Mfuatano wa Matukio

Agosti 25, 2020

Kesi ya uhalifu ilianzishwa baada ya wapelelezi kuweka vifaa vya kusikiliza kisiri nyumbani kwa Konstantin. Wenye mamlaka walisema kwamba kuruhusu mazungumzo ya Biblia kufanyiwa nyumbani kwake ni kupanga utendaji ulio na msimamo mkali
Agosti 27, 2020

Alikamatwa na kupelekwa mahabusu mara moja
Mei 26, 2021

Mahakama ilimzuia mke wake asimtembelee na imeendelea kukataa maombi yake
Agosti 20, 2021

Kesi ya uhalifu ilianza kusikilizwa

Maelezo Mafupi Kumhusu

Konstantin Sannikov

Alizaliwa: 1970 (Kazan, Jamhuri ya Tatarstan)

Maisha Yake: Kabla ya kukamatwa alifanya kazi ya kuchunguza mambo ya kitiba kwa ajili ya kutoa ushahidi katika kesi na pia akiwa mwanasaikolojia. Alifunga ndoa na Irina mwaka wa 1992. Wana watoto wanne

Alianza kujifunza Biblia na Mashahidi wa Yehova na akabatizwa mwaka wa 1994

Maelezo ya Kibinafsi Kutoka kwa Irina, mke wa Konstantin a

Mume wako anaitunzaje familia akiwa kizuizini?

Licha ya kukamatwa, Konstantin anaendelea kututunza kiroho. [Kupitia barua zake,] anatueleza mambo ambayo amejifunza alipokuwa akifanya utafiti, anatutumia mambo yaliyoonwa yenye kutia moyo, na anasimulia mazungumzo aliyokuwa nayo na wafungwa wenzake. Pia anatueleza jinsi ambavyo Yehova anajibu sala zake.

[Mimi na watoto wetu] tunaendelea kuwa na ibada ya familia kila Ijumaa, kama tulivyofanya hapo awali. Baadaye, tunamwandikia Konstantin barua na kumweleza mambo tuliyojifunza. Yeye anatuandikia na kutueleza mawazo yake [kuhusu habari hiyo ambayo tulijifunza]. Nyakati nyingine anatupatia migawo pia, kama vile kuimba nyimbo fulani au kufanya utafiti kuhusu habari fulani hususa.

Konstantin anapoendelea kuitunza familia yake kiroho akiwa kizuizini, tuna uhakika kwamba Yehova hatakosa kuwatunza “watu wake mwenyewe.”—1 Timotheo 5:8.

a Kwa kuwa kwa sasa Ndugu Sannikov yuko mahabusu, hatukuweza kupata maelezo kutoka kwake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI