AGOSTI 13, 2021| HABARI ZILIONGEZWA: MACHI 6, 2023
URUSI

HABARI ZA KARIBUNI—KIFUNGO CHAPUNGUZWA | Ndugu Baranov na Ndugu Li Wanaendelea Kuwa Watulivu na Kuwa na Uhakika Katika Yehova

CHEZA

Machi 1, 2023, Mahakama iliyo katika Eneo la Khabarovsk ilipunguza urefu wa kifungo cha nje cha Ndugu Yegor Baranov hadi miaka minne na nusu baada ya kesi ya rufaa kusikilizwa. Hahitaji kwenda gerezani wakati huu.

Juni 6, 2022, Mahakama ya Wilaya ya Vyazemskiy iliyo katika Eneo la Khabarovsk ilimhukumu Yegor kifungo cha nje cha miaka mitano. Kwa kusikitisha, Ndugu Yen Sen Li alikufa kabla ya hukumu kutolewa.

Mfuatano wa Matukio

Februari 2, 2021

Kesi dhidi ya Yegor na Yen Sen ilianza kusikilizwa mahakamani
Novemba 20, 2020

Yegor aliachiliwa kutoka mahabusu baada ya kukaa humo siku 177
Agosti 26, 2020

Mahakama ya Wilaya ya Kati iliyoko Khabarovsk ilitwaa gari la Yen Sen
Mei 29, 2020

Yegor alipelekwa mahabusu
Mei 26, 2020

Kesi ya uhalifu inafunguliwa dhidi ya Yegor na Yen Sen katika Eneo la Khabarovsk

Maelezo Mafupi Kuwahusu

Yegor Baranov

Alizaliwa: 2001 (Olovyannaya, Eneo la Trans-Baikal)

Maisha Yake: Ana ndugu wawili wakubwa. Baba yake alikufa mwaka wa 2013. Anapenda vitu vya asili na wanyama. Alikuwa akijifunza jinsi ya kutunza misitu kabla ya kukamatwa

Amelelewa na mama yake ambaye ni Shahidi wa Yehova. Tarajio la kumwona baba yake tena katika ufufuo linampa tumaini. Alibatizwa na kuwa Shahidi wa Yehova mwaka wa 2017. Anapenda kupiga piano, kuandika mashairi, na kupika

Maelezo ya Kibinafsi

Uhusiano wako na Yehova umeimarikaje kutokana na mambo ambayo umepitia?

Kutokana na jaribu ambalo nimepata, nimejionea kwamba hata hali ionekane kuwa mbaya kadiri gani, Yehova anaona hisia zetu na kushughulika nasi mtu mmoja-mmoja. Nilitambua kwamba ikiwa shaka za aina fulani zitaanza kuingia moyoni mwangu, hilo litamaanisha nimeanza kupuuza Mungu ni mwenye hekima kadiri gani. Sikuzote anajua jambo hususa la kufanya, na mara nyingi anatenda kwa njia isiyotarajiwa kabisa. Baada ya kukaa mahabusu, nilitambua kwamba ninajaribiwa ili kuona ninamtumaini kadiri gani, na kwa sababu hiyo ninamtumaini hata zaidi sasa.

Yen Sen Li

Alizaliwa: 1952 (Nikolaevsk-on-Amur, Eneo la Khabarovsk)

Maisha Yake: Ni mtoto wa tatu katika familia ya watoto watano. Ni fundi-umeme. Alifunga ndoa na Olga mwaka wa 1991. Wana mwana mmoja. Alisitawisha upendezi katika Biblia yeye na mke wake walipotambua kwamba Biblia inazungumzia tumaini la wakati ujao la wanadamu. Alibatizwa mwaka wa 1994. Anapenda kucheza chesi na kwenda matembezi

Maelezo ya Kibinafsi

Umesali kwa Yehova kuhusu mambo gani wakati wa kipindi hiki?

Nilimsihi Mungu aniimarishe mimi na mke wangu na kutupatia amani ya moyoni. . . . Nilijihisi nikiwa mtulivu nilipokuwa nikihojiwa, na hilo likanipa uhakika zaidi kwamba Yehova hatawahi kuniacha.

Mke wangu alipokimbizwa hospitalini baada ya kupata mshtuko wa moyo, nilimsihi Yehova . . . apate matibabu bora. Yehova alisikiliza sala zangu. Ilikuwa wazi jinsi alivyonitegemeza mimi na yeye kupitia ndugu na dada zetu. Sikuzote walikuwa pamoja nasi. Walitutegemeza kifedha, na muhimu zaidi, kiroho.

Kwa msaada wa marafiki wake na Yehova, alifaulu kudumisha mtazamo wa kiroho. . . . Hata huwa anajaribu kuwatia moyo wengine. Huo ni uthibitisho wa wazi kwangu kwamba Yehova anamtegemeza mke wangu.

Tunawapongeza ndugu zetu kwa kuendelea kumtegemea Yehova na tuna uhakika kwamba atawaimarisha waweze kuvumilia.—2 Wathesalonike 3:3.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI