AGOSTI 5, 2021
URUSI

HABARI ZA KARIBUNI | Kudumu Katika Sala Kunamsaidia Ndugu Anatoliy Gorbunov Kudumisha Shangwe

CHEZA

Juni 21, 2022, Mahakama ya Eneo la Krasnoyarsk ilikataa rufaa ya Ndugu Anatoliy Gorbunov na ikaunga mkono hukumu aliyopewa. Hivi karibuni atahamishiwa gereza lingine.

Februari 2, 2022, Mahakama ya Wilaya ya Oktyabr’skiy iliyo katika Jiji la Krasnoyarsk ilimhukumu Ndugu Anatoliy Gorbunov kifungo cha miaka sita gerezani. Alipelekwa gerezani moja kwa moja.

Mfuatano wa Matukio

Februari 9, 2021

Kesi ya uhalifu dhidi ya Anatoliy inaanza
Septemba 15, 2020

Nyumba ya Anatoliy inafanyiwa upekuzi kwa mara ya pili. Wenye mamlaka walichukua funguo za nyumba yao
Machi 25, 2020

Kesi ya uhalifu dhidi ya Anatoliy inaanza. Alishtakiwa kwa kupanga mikutano ya kidini ya shirika lililopigwa marufuku
Novemba 7, 2018

Nyumba ya Anatoliy inafanyiwa upekuzi mapema asubuhi. Wenye mamlaka wanachukua kompyuta ndogo, tablet, flash drive, hard drive, na simu mbili. Anatoliy alifikishwa kwenye Kamati ya Uchunguzi ya Shirikisho la Urusi ili ahojiwe kisha akaachiliwa baada ya saa moja

Maelezo Mafupi Kumhusu

Anatoliy Gorbunov

Alizaliwa: 1957 (Dykanka, Ukrainia)

Maisha Yake: Alihitimu shule ya ulinzi wa anga. Alitumikia jeshini kwa miaka mitano baada ya kufanya kazi nchini Estonia na Kazakhstan. Alifunga ndoa na Galina mwaka wa 1978. Wana watoto wawili

Sikuzote alipendezwa kujua ikiwa kuna Mungu. Baada ya kupata jibu la swali hilo na maswali mengine muhimu, yeye na Galina walibatizwa na kuwa Mashahidi wa Yehova mwaka wa 1996

Maelezo ya Kibinafsi

Umesali kwa Yehova kuhusu nini katika kipindi hiki?

Jambo gumu zaidi limekuwa kudumisha shangwe yetu, kwa hiyo, mimi husali kuhusu hilo mara nyingi. Kutafakari maneno ya Yesu Kristo na ya mtume Paulo kuhusu umuhimu wa kudumisha shangwe kumenisaidia kuwa na maoni yanayofaa kuhusu mambo yanayoendelea.

Mimi pia husali kwamba Yehova anisaidie kumtumaini yeye kikamili. Mara nyingi mimi hutafakari maneno ya Isaya 41:10, na hilo limenisaidia sana. Mahangaiko yangu mengi yalihusiana na ukweli wa kwamba nilihitaji kumtegemea Yehova zaidi, na kwamba nilihitaji kumwamini anaposema atatutegemeza na kutulinda. Ninasali kwamba niweze kumhisi akinishika mkono.

Anatoliy na familia yake wanapoendelea kumtegemea Yehova kwa kusali kwake, tuna uhakika kwamba atawategemeza na kuwasaidia kudumisha shangwe yao.—Zaburi 25:1, 2.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI