FEBRUARI 2, 2022
URUSI

HABARI ZA KARIBUNI | Kuendelea Kuwa Mtendaji Kunamsaidia Ndugu Andrey Vlasov Kudumisha Mtazamo Mzuri

CHEZA

Julai 26, 2022, Mahakama ya Eneo la Kemerovo ilikataa rufaa ya Ndugu Andrey Vlasov. Ataendelea kukaa gerezani.

Mei 23, 2022, Mahakama ya Wilaya ya Kati katika Jiji la Prokopyevsk ilimhukumu Andrey kifungo cha miaka saba gerezani. Hukumu hiyo itaanza kutumika mara moja.

Mfuatano wa Matukio

Julai 2, 2020

Kesi ya uhalifu ilianzishwa dhidi ya Andrey kwa sababu alishukiwa kupanga utendaji wa shirika lenye msimamo mkali
Julai 12, 2020

Maofisa wa FSB walifanya upekuzi nyumbani na kazini kwa Andrey. Walichukua vifaa vya kielektroni na Biblia. Alipelekwa kizuizini huku wapelelezi wakimhoji mke wake, Nataliya
Julai 14, 2020

Aliachiliwa kutoka kizuizini na kuwekwa chini ya kifungo cha nyumbani
Juni 9, 2021

Kesi ya uhalifu ilianza

Maelezo Mafupi Kumhusu

Andrey Vlasov

Alizaliwa: 1968 (Prokopyevsk, Eneo la Kemerovo)

Maisha Yake: Anapenda kuchora na kusikiliza muziki. Alifanya kazi akiwa mpiga picha

Ndugu yake mdogo alijifunza Biblia pamoja naye. Alibatizwa na kuwa Shahidi wa Yehova mwaka wa 1991. Alifunga ndoa na Nataliya mwaka wa 2003

Maelezo ya Kibinafsi

Unafauluje kudumisha mtazamo mzuri?

Kuwa na utendaji mwingi wa aina tofauti-tofauti hunisaidia kudumisha mtazamo mzuri. Ninasoma Biblia, ninatayarisha mikutano, ninatazama video za tengenezo letu, ninachora kwa kupaka rangi, na kusikiliza rekodi za sauti. Pia, ninafanya kazi za nyumbani, ninacheza mchezo wa chesi, kushona, na michezo ya chemshabongo.

Je, umetiwa moyo na ndugu na dada zako Wakristo?

Ninatiwa moyo sana ndugu na dada wanaponiambia wanasali kwa ajili yangu, kwamba imani yangu inawaimarisha, na kwamba wao pia wangependa kudumisha ushikamanifu wao kwa Yehova.

Ni mistari gani ya Biblia ambayo imekuvutia zaidi, na imekusaidiaje?

Petro ya Kwanza 4:12-14 imenisaidia mimi na mke wangu kuvumilia tendo la nyumba yetu kuvamiwa na polisi, sisi kufanyiwa kupelelezwa, na kesi yetu kusikilizwa mara nyingi mahakamani. . . . Tuliandika mistari hiyo na kuiweka mahali ambapo tungeweza kuiona. Ninapokuwa katika kifungo cha nyumbani, mimi na mke wangu tunatafakari maneno hayo na tunakumbushwa uhakika wa kwamba Yehova hatatuacha. Nilipokuwa kizuizini kwa muda, niliimarishwa na andiko la Isaya 40:10-13. Utulivu niliopata katika siku hizo ulikuwa kama mafuta yenye kutuliza moyo wangu wenye hofu.

Ni pendeleo kubwa kuwa wafanyakazi wenzi wa Andrey na ndugu na dada wengine nchini Urusi na Crimea wanapoendelea kudumisha shangwe yao na kusimama imara katika imani.—2 Wakorintho 1:24.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI