JANUARI 4, 2022
URUSI

HABARI ZA KARIBUNI | Maandalizi na Tumaini Yamewasaidia Ndugu Pyotr Krupnov na Mke Wake, Maya

CHEZA

Machi 9, 2022, Mahakama ya Eneo la Penza ilikataa rufaa ya Ndugu Pyotr Krupnov na mke wake, Maya. Hawahitaji kwenda gerezani wakati huu.

Mfuatano wa Wakati

Desemba 30, 2021

Mahakama ya Wilaya ya Nikolskiy katika Eneo la Penza iliwahukumu Pyotr na mke wake, Maya, kifungo cha nje cha miaka mitatu.
Oktoba 25, 2021

Kesi ya uhalifu ilianza kusikilizwa
Oktoba 12, 2021

Pyotr na Maya waliongezwa kwenye orodha ya magaidi na watu wenye msimamo mkali kwa sababu ya kuzungumzia habari za kidini pamoja na rafiki zao
Septemba 15, 2021

Kesi ya uhalifu dhidi ya Maya inaanzishwa. Baadaye Pyotr aliongezwa kwenye orodha ya washtakiwa
Oktoba 11, 2020

Maofisa wa usalama wanafanya upekuzi katika nyumba za familia nne za Mashahidi wa Yehova jijini Nikolsk, kutia ndani nyumba ya Krupnov

Maelezo Mafupi Kuwahusu

Pyotr Krupnov

Alizaliwa: 1963

Maisha Yake: Anafanya kazi akiwa fundi bomba. Alianza kujifunza Biblia na Mashahidi wa Yehova mwaka wa 1996. Baada ya kusoma machapisho yetu na kuona mwenendo wa aliyemfundisha Biblia, alisadiki kwamba ameipata kweli. Alibatizwa mwaka wa 2002

Alikutana na Maya katika mkutano wa kutaniko. Walifunga ndoa mwaka wa 2008

Maelezo ya Kibinafsi

Je, unaweza kukumbuka pindi ulipohisi kwamba Yehova alikusaidia?

[Ninakumbuka pindi ambapo] nilisali nipate roho takatifu kisha nikakumbuka wazo kutoka kwenye Yohana 10:28, lililosema: “Hakuna atakayewanyakua kutoka mkononi mwangu.” Kufikiria wazo hilo kulinifanya nipate nguvu na furaha. Ningeweza kuhisi kwamba Baba yangu alikuwa pamoja nami. Kwa sababu hiyo, nilijihisi nikiwa mtulivu na mwenye uhakika zaidi.

Ni nini kinachokusaidia kuvumilia?

Ninajaribu kukumbuka kwamba hata ikiwa tutakabili majaribu magumu sana, hakuna kitu kinachoweza kulinganishwa na [pendeleo la] kumtumikia Yehova na kuwa na uzima wa milele katika paradiso. Upendo wangu kwa Mungu na wanadamu wenzangu unanipa nguvu ninazohitaji kukabiliana na majaribu yangu.

Maya Krupnova

Alizaliwa: 1957 (Atasu, Kazakhstan)

Maisha Yake: Alifanya kazi akiwa mwokaji wa keki na mikate. Sasa amestaafu na anafurahia kutunza bustani

Alisikia kuwahusu Mashahidi wa Yehova kutoka kwa binti yake. Wote wawili walibatizwa mwaka wa 2001

Maelezo ya Kibinafsi

Ulijitayarishaje kwa ajili ya majaribu hayo?

Nilianza kujitayarisha wakati ambapo ndugu na dada walianza kukamatwa [katika jiji la karibu]. Nilisoma vitabu vya Biblia vya Esta na Yeremia. . . . Nilisoma ripoti zilizowekwa kwenye tovuti yetu, nikajifunza nyimbo zetu na kuzikariri. Nilitayarisha mkoba wa dharura na pia mkoba wa kwenda nao gerezani. . . . Nilisali nipate hekima na ujasiri ambao ningehitaji ili kuvumilia majaribu hayo kwa heshima.

Umetegemezwaje na familia yako ya kiroho?

Kila mtu amenitia moyo sana, hasa nilipohitaji sana kitia-moyo. Wakati ambapo nilikuwa nimechoka sana kihisia, ndugu na dada walinipigia simu, wakaniandikia barua, na kuniambia jinsi wanavyonipenda. . . . Sikuzote nilijua nina familia kubwa inayonipenda. Lakini kuanzia 2020, nimetambua hilo hata zaidi.

Tunathamini sana mfano wa Pyotr na Maya ambao wanaendelea kuwa na tumaini imara kama nanga na kumtegemea Yehova.—Waebrania 6:19.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI