APRILI 20, 2022
URUSI

HABARI ZA KARIBUNI | Maksim Zavrazhnov Anadumisha Mtazamo Mzuri

CHEZA

Mei 30, 2022, Mahakama ya Wilaya ya Moskovskiy ya Jiji la Nizhny Novgorod ilimhukumu Ndugu Maksim Zavrazhnov kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Juni 4, 2019

Upelelezi wa uhalifu unaanzishwa
Julai 17, 2019

Anashtakiwa rasmi kwa kupanga utendaji wa shirika lenye msimamo mkali. Anakamatwa, anahojiwa, na kuzuiliwa usiku mzima
Julai 18, 2019

Anawekewa vizuizi vya kutumia simu, Intaneti, na pia kwamba anapaswa kuwa nyumbani kati ya saa 3:00 usiku na saa 3:00 asubuhi
Februari 3, 2020

Vizuizi vinaondolewa
Februari 26, 2020

Anawekewa kizuizi cha kusafiri nje ya eneo la kwao
Desemba 6, 2021

Kesi ya uhalifu inaanza

Maelezo Mafupi Kumhusu

Maksim Zavrazhnov

Alizaliwa: 1981 (Nizhny Novgorod)

Maisha Yake: Alihitimu shule ya muziki ambako alisomea kupiga piano. Kwa sasa ameajiriwa akiwa mtaalamu wa ujenzi. Alifunga ndoa na Nadezhda mwaka wa 2008

Alipokuwa mtoto alijifunza Biblia kutoka kwa mama yake. Alibatizwa na kuwa Shahidi wa Yehova mwaka wa 2000

Maelezo ya Kibinafsi

Ni nini kinachokusaidia kudumisha mtazamo mzuri licha ya kukabili hali zenye mkazo?

Wakati wowote ninapokuwa katika hali ngumu, ninatambua jinsi Yehova alivyo karibu nami. Huenda ukasema kwamba ninahisi mkono wake wenye nguvu ukinisaidia. Pindi kama hizo, utegemezo wa Baba yangu unanisaidia nisiogope majaribu ya wakati ujao na niendelee kudumisha mtazamo mzuri.

Umejifunza nini kumhusu Yehova kupitia majaribu hayo?

Majaribu haya yamenithibitishia zaidi kwamba Yehova ni Baba anayetukazia uangalifu, anayetujali, mkarimu, mwenye rehema, na mwenye ufikirio. Sikuzote ninashangazwa na jinsi Yehova anavyoweza kutumia matukio yasiyofaa kutufundisha jambo fulani, kutusaidia kusitawisha sifa fulani, au kutusaidia kujichunguza. Hilo limenisaidia kuendelea kukua kiroho na kihisia.

Kadiri ndugu zetu wapendwa wanavyoendelea kuteswa nchini Urusi na Crimea, uhakika wetu katika Yehova unaimarishwa. Tunajua kwamba hatawaacha kamwe washikamanifu wake.—Waebrania 13:5.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI