JULAI 26, 2021
URUSI

HABARI ZA KARIBUNI | “Mateso Yamenifanya Niwe Karibu Zaidi na Yehova”

CHEZA

Aprili 20, 2022, Mahakama ya Eneo la Krasnodar ilikataa rufaa ya Ndugu Vladimir Skachidub. Ataendelea kukaa gerezani.

Mfuatano wa Matukio

Mahakama ya Wilaya ya Pavlovskiy katika Eneo la Krasnodar ilimhukumu Vladimir kifungo cha miaka minne na miezi miwili gerezani
Desemba 30, 2020

Kesi inaanza kusikilizwa
Julai 23, 2020

Anawekwa kwenye orodha ya taifa ya watu wenye msimamo mkali
Juni 23, 2020

Anashtakiwa rasmi kuwa mhalifu, sababu moja ikiwa ni kuhubiri

Maelezo Mafupi Kumhusu

Vladimir Skachidub

Alizaliwa: 1961 (Pavlovskaya, Eneo la Krasnodar)

Maisha Yake: Baada ya kutumikia jeshini, alijifunza kuwa fundi mitambo wa redio huko Taganrog, Eneo la Rostov. Wazazi wake walikufa alipokuwa na umri wa miaka 25. Alirudi nyumbani ili kumtunza dada yake, Nataliya, ambaye alikuwa na umri wa miaka 15 wakati huo. Dada yake alikufa kutokana na ugonjwa wa lukemia mwaka wa 2003. Mara ya mwisho Vladimir alifanya kazi ya kurekebisha mashine. Anapenda kupiga picha na kupiga gitaa

Alianza kupendezwa na Biblia baada ya Nataliya na rafiki yake Galina kutembelewa na Mashahidi wa Yehova. Alivutiwa na maelezo kuhusu uumbaji na hatimaye alikubali funzo la Biblia. Aliacha kuvuta tumbaku na kutumia kileo vibaya. Alifunga ndoa na Galina mwaka wa 1997. Alibatizwa mwaka wa 1998. Galina alibatizwa mwaka wa 2016

Maelezo ya Kibinafsi

Umemwomba Yehova nini katika kipindi hiki?

Nilisali anipe roho takatifu, mwongozo, na nguvu zinazopita zile za kawaida. Uchunguzi ulipoanza, . . . nilisali kwamba nilitakase jina la Yehova ninapozungumza na mpelelezi. Wakati wa mahojiano ya mwisho, mpelelezi alinipongeza na kusema kwamba nilikuwa nimejiendesha kwa heshima.

Umejifunza nini wakati wa jaribu hili ambalo litakusaidia kukabiliana na jaribu linalofuata?

Mateso yamenifanya niwe karibu zaidi na Yehova na yamenifundisha nisikate tamaa ninapokabili hali ngumu badala yake nimtegemee Yehova zaidi.

Sisi pia tuna uhakika kama wa Vladimir kwamba Yehova ataendelea kumtegemeza “ili [avumilie] kikamili kwa subira na shangwe.”—Wakolosai 1:11.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI