JUNI 8, 2022
URUSI

HABARI ZA KARIBUNI—NDUGU AACHILIWA | Alisaidiwa na Waabudu Wenzake

CHEZA

Novemba 10, 2022, Mahakama ya Eneo la Vologda ilitangaza uamuzi wake katika kesi ya rufaa ya Ndugu Yuriy Baranov na Ndugu Nikolay Stepanov. Hukumu ya ndugu Yuriy haijabadilika. Hukumu ya mapema ya Nikolay ya kifungo cha miaka minne gerezani ilipunguzwa na kuwa kifungo cha nje cha miaka minne. Aliachiliwa mara moja kutoka gerezani.

Septemba 5, 2022, Mahakama ya Wilaya ya Vologodskiy iliyo katika Eneo la Vologda ilimhukumu Yuriy na Nikolay. Yuriy alihukumiwa kifungo cha nje cha miaka minne. Hahitaji kwenda gerezani wakati huu. Nikolay alihukumiwa kifungo cha miaka minne gerezani. Hukumu hiyo ilitekelezwa mara moja.

Mfuatano wa Matukio

Desemba 19, 2019

Maofisa wa usalama walivamia nyumba sita za familia za Mashahidi wa Yehova katika eneo la Vologda. Ndugu Yuriy na Ndugu Nikolay walikamatwa na kuwekwa kizuizini.
Desemba 20, 2019

Ndugu Yuriy aliachiliwa na kuwekwa katika kifungo cha nyumbani
Desemba 23, 2019

Ndugu Nikolay alipelekwa mahabusu
Machi 16, 2020

Ndugu Yuriy aliachiliwa kutoka katika kifungo cha nyumbani, lakini hakuruhusiwa kuwasiliana na wengine ambao walishtakiwa pamoja naye katika kesi ya uhalifu, na hakuruhusiwa kutumia simu au Intaneti
Mei 19, 2020

Ndugu Yuriy aliondolewa vizuizi
Agosti 13, 2020

Ndugu Nikolay aliachiliwa kutoka mahabusu na akawekwa katika kifungo cha nyumbani
Septemba 25, 2020

Ndugu Nikolay aliachiliwa kutoka katika kifungo cha nyumbani
Machi 7, 2022

Kesi ya uhalifu ilianza

Maelezo Mafupi Kuwahusu

Yuriy Baranov

Alizaliwa: 1952 (Vologda, Eneo la Vologda)

Maisha Yake: Alifanya kazi ya kuchomelea vyuma kwa kutumia gesi na umeme. Sasa amestaafu na anamtunza mama yake mlemavu mwenye umri wa miaka 90

Alifunga ndoa na Nadezhda mwaka wa 1990

Baada ya kutafuta majibu ya maswali muhimu maishani, walianza kujifunza Biblia pamoja na Mashahidi wa Yehova. Walibatizwa mwaka wa 1994

Maelezo ya Kibinafsi

Ulipata maneno gani ya kutia moyo yaliyokusaidia kuvumilia?

Akina ndugu na dada walinitumia kadi na kunipigia simu mara kwa mara. Ninakumbuka ndugu mmoja aliniambia: “Kwa kuwa mambo haya yote yalikuwa na mwanzo yatakuwa na mwisho pia.” . . . Pia nilipokuwa mahabusu mlinzi mmoja aliniambia hivi: “Kila kitu kitakuwa sawa.” Nilihisi kwamba hiyo ilikuwa njia ambayo Baba yangu wa mbinguni alitumia ili kuniimarisha. . . . Mambo hayo yalinihakikishia kwamba Yehova ni Baba anayetupenda sana.

Nikolay Stepanov

Alizaliwa: 1974 (Vologda)

Maisha Yake: Alifanya kazi jeshini kabla ya kuwa Shahidi wa Yehova. Ni mjenzi anayeshughulikia hatua za mwisho za ujenzi wa ndani ya nyumba

Nikolay hakuamini kwamba kuna Mungu. Mama ya Alla, alianza kujifunza Biblia na Alla mwaka wa 1995. Wakati huo Alla na Nikolay walikuwa wachumba. Alla alimsadikisha Nikolay kwamba kuna Mungu. Walibatizwa pamoja mwaka wa 1996 na wakafunga ndoa mwaka wa 1997. Wana mwana mmoja

Maelezo ya kibinafsi

Ndugu na dada zako wa kiroho walikusaidiaje katika nyakati hizi ngumu?

Siku moja, kesi yangu ilipokuwa ikisikilizwa, nilitiwa moyo sana kuona ndugu na dada zangu wakiwa wamejaa katika chumba cha mahakama, walikuwa karibu ndugu na dada 50!

Ndugu na dada pia wananitumia kadi . . . , na wanasali kwa ajili yangu. Dada mmoja aliandika jambo lililonitia moyo sana: “Ndugu Mpendwa! Endelea kuwa jasiri na imara. Yehova ataendelea kuwa upande wako wakati wote. Sisi rafiki zako, tunasali kwa bidii kwa ajili yako, na tutaendelea kukukumbuka. Baba yetu atatazama chini na kutabasamu kwa sababu anafurahi kuona ushikamanifu wako, na anakuthamini sana.”

Kuwaona akina ndugu wakiendelea kudumisha imani yao ingawa wanateswa, kunaimarisha imani sana.—1 Wathesalonike 3:7.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI