DESEMBA 16, 2022 | HABARI ZIMEONGEZWA: JUNI 20, 2023
URUSI

HABARI ZA KARIBUNI—NDUGU AFUNGWA | Ana Shangwe Licha ya Magumu Yanayoendelea

CHEZA

Juni 20, 2023, Mahakama ya Wilaya ya Tsentralnyi iliyoko Sochi ilimhukumu Ndugu Danil Suvorov kifungo cha miaka sita gerezani. Danil amekuwa kizuizini tangu Agosti 18, 2021, na ataendelea kubaki humo.

Maelezo Mafupi Kumhusu

Danil Suvorov a

Alizaliwa: 1995 (Almetyevsk, Jamhuri ya Tatarstan)

Maisha Yake: Alikuwa muuzaji katika duka la vifaa vya ujenzi

Mama yake ni Shahidi wa Yehova na alimlea katika kweli. Danil alibatizwa mwaka wa 2011

Maelezo ya Kibinafsi Kutoka kwa Mama ya Danil, Dada Gulnara Suvorova b

Ni nini kinachomsaidia Danil kuvumilia akiwa mahabusu?

Sijafaulu kumtembelea, lakini ninapata barua kutoka kwake. Sikuzote, Danil huniambia nisiwe na wasiwasi kumhusu na halalamiki kamwe kuhusu hali yake. Badala yake, yeye hunihakikishia kwamba unauona mkono wa Yehova na anahisi akimtegemeza. Ni rahisi sana kwa watu kumfikia Danil kwa sababu ni mwenye fadhili na ni msikilizaji mzuri. Yeye huwaonyesha wengine ufikirio wanapokabili changamoto. Nilitiwa moyo sana niliposikia kwamba amefanya chumba chake cha gereza kuwa eneo lake la kuhubiri. Mara kwa mara wafungwa wanahamishwa kutoka chumba chake cha gereza na wengine wanaletwa, hivyo Danil anapata fursa ya kuwahubiria watu wapya. Isitoshe, anasoma Biblia, anatayarisha mikutano, na anaendelea kutanguliza mambo ya kiroho.

Umejifunza nini kumhusu Yehova kutokana na hali hii ngumu?

Ingawa Yehova anaona mambo mengi maovu hapa duniani, hapotezi shangwe yake. Andiko la 2 Mambo ya Nyakati 16:9, linasema: “Kwa maana macho ya Yehova yanaenda huku na huku duniani kote ili adhihirishe nguvu zake kwa niaba ya wale ambao moyo wao ni kamili kumwelekea yeye.” Kwa hiyo Yehova anaendelea kutafuta fursa za kuwasaidia watumishi wake. Ninajua kwamba mimi pia nikiendelea kufanya mambo ya kiroho kwa bidii na kukaza fikira zangu juu ya kuwasaidia wengine kutanikoni na katika huduma, sitalemewa na hisia za kuvunjika moyo.

Tunafarijiwa tunapojua kwamba tukiendelea kufanya mambo ya kiroho kwa bidii na kudumisha urafiki wa karibu na Yehova, tutaendelea kuwa na shangwe, licha ya changamoto zozote ambazo huenda tukakabili.—Zaburi 16:11.

Mfuatano wa Matukio

Agosti 13, 2021

Kesi ya uhalifu ilianzishwa kwa kutegemea ushahidi wa mtu ambaye alikuwa akishirikiana na wenye mamlaka huku akijifanya kwamba angependa kujua mengi zaidi kuhusu Biblia
Agosti 18, 2021

Msako ulifanywa nyumbani kwao. Alikamatwa na kuwekwa kizuizini
Agosti 19, 2021

Alihamishwa na kupelekwa mahabusu
Aprili 29, 2022

Alishtakiwa rasmi kwa kupanga, kushiriki, na kuwashawishi wengine kujiunga na utendaji wa shirika lenye msimamo mkali
Juni 10, 2022

Kesi ya uhalifu ilianza

a b Makala hii ilipokuwa ikitayarishwa Ndugu Suvorov alikuwa mahabusu na hatukuweza kupata maelezo kutoka kwake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI