SEPTEMBA 21, 2022| HABARI ZA KARIBUNI: JANUARI 2, 2023
URUSI

HABARI ZA KARIBUNI—NDUGU AFUNGWA | Kupata Sababu za Kuwa na Shangwe

CHEZA

Desemba 28, 2022, Mahakama ya Wilaya ya Oktyabrskiy iliyo Krasnoyarsk ilimhukumu Ndugu Aleksandr Filatov kifungo cha miaka sita gerezani. Ataendelea kubaki gerezani.

Mfuatano wa Matukio

Julai 9, 2021

Kesi ya uhalifu ilifunguliwa dhidi ya Aleksandr. Alishtakiwa kwa kupanga utendaji wa shirika lenye msimamo mkali
Julai 11, 2021

Nyumba yake ilifanyiwa msako
Julai 13, 2021

Alikamatwa na kupelekwa Wizara ya Mambo ya Ndani
Julai 15, 2021

Alipelekwa mahabusu
Januari 20, 2022

Kesi ya uhalifu ilianza

Maelezo Mafupi Kumhusu

Aleksandr Filatov

Alizaliwa: 1984 (Sharypovo, Eneo la Krasnoyarsk)

Maisha Yake: Alifanya kazi akiwa mhandisi na fundi-umeme

Mama yake ndiye aliyemfundisha kweli. Alibatizwa na kuwa Shahidi wa Yehova mwaka wa 1994

Alifunga ndoa na Yelena mwaka wa 2007. Wana watoto wawili wa kiume

Maelezo ya Kibinafsi Kutoka kwa Yelena, a Mke wa Aleksandr

Ni nini kinachomsaidia Aleksandr kuvumilia akiwa mahabusu?

Aleksandr huandika kwenye kitabu baraka zote ambazo anapata. Kwenye kitabu hicho anaandika sababu alizo nazo za kuwa na shangwe. Anajitahidi kuwa na mtazamo mzuri kuhusu changamoto anazokabili, na hata kujaribu kuona jinsi zinavyomsaidia. Pia, anasema kwamba kusoma Biblia na kusali kumemsaidia kuwa na usawaziko.

Mimi pia hujitahidi kumtia moyo Aleksandr. Ninapojitayarisha ili kumwandikia, ninatafuta mambo ambayo yanaweza kumtia moyo kama vile mawazo mazuri ninayopata baada ya kusoma mistari fulani ya Biblia au maneno yenye kutia moyo ambayo ndugu na dada wananiambia.

Mfano wa uaminifu wa Aleksandr unaonyesha wazi kwamba Yehova anawabariki wale wanaomtumikia “kwa furaha na shangwe moyoni.”—Kumbukumbu la Torati 28:47.

a Makala hii ilipokuwa ikitayarishwa Ndugu Filatov alikuwa mahabusu na hatukuweza kupata maelezo kutoka kwake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI