MEI 3, 2023 | HABARI ZIMEONGEZWA: DESEMBA 13, 2023
URUSI

HABARI ZA KARIBUNI—NDUGU AFUNGWA | “Macho ya Yehova Yananitazama”

CHEZA

Desemba 7, 2023,Mahakama ya Wilaya ya Kirovskiy iliyo katika jiji la Kazan imemhukumu Ndugu Aleksey Gerasimov kifungo cha miaka sita gerezani. Alipelekwa gerezani moja kwa moja kutoka mahakamani.

Maelezo Mafupi Kumhusu

Aleksey Gerasimov

Alizaliwa: 1980 (Ust-Ku, Eneo la Irkutsk)

Maisha Yake: Anafanya kazi akiwa dereva wa gari

Alifunga ndoa na Nataliya mwaka wa 2006

Alisadiki kwamba Mashahidi wa Yehova ni Wakristo wa kweli kwa sababu aliona upendo wa kindugu miongoni mwao. Aleksey na Nataliya walibatizwa pamoja mwaka wa 2007

Maelezo ya Kibinafsi

Ni mistari gani ya Biblia ambayo imekusaidia kwa njia ya pekee katika kipindi hiki kigumu?

Nilivunjika moyo baada ya nyumba yetu kufanyiwa msako. Pia nilikuwa na wasiwasi mwingi nilipowazia kuhusu siku ambayo kesi yangu itasikilizwa kwa mara ya kwanza. Lakini ndugu mmoja alinitia moyo aliponionyesha Isaya 49:15, 16 ambapo Yehova anasema hivi: “Je, mwanamke anaweza kumsahau mtoto wake anayenyonya au asimhurumie mwana wa tumbo lake? Hata wanawake hawa wakisahau, mimi siwezi kamwe kukusahau. Tazama! Nimekuchonga kwenye viganja vyangu.” Mistari hii ilinihakikishia kwamba macho ya Yehova yananitazama, anajua pale niko na anajua kinachotendeka maishani mwangu, naye hataniacha kamwe. Jambo hilo limenisaidia kuona waziwazi kwamba Yehova ni kimbilio salama.

Tunajua kwamba Yehova hatawaacha watumishi wake washikamanfu. Yeye ni mwaminifu naye hutusaidia kuvumilia jaribu lolote.—1 Wakorintho 10:13.

Mfuatano wa Matukio

Februari 10, 2022

Kesi ya uhalifu ilifunguliwa
Machi 18, 2022

Nyumba yake ilifanyiwa msako naye alihojiwa
Septemba 23, 2022

Aliwekewa vizuizi vya kusafiri
Februari 22, 2023

Kifungo cha uhalifu kilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI