SEPTEMBA 12, 2022 | HABARI ZIMEONGEZWA: JUNI 13, 2023
URUSI

HABARI ZA KARIBUNI—NDUGU AHUKUMIWA | Aleksandr Shutov Anaendelea Kumtegemea Yehova na Kumwomba Mwongozo

CHEZA

Juni 9, 2023, Mahakama ya Wilaya ya Lazo iliyo katika Eneo la Khabarovsk ilimhukumu Ndugu Aleksandr Shutov kifungo cha nje cha miaka miwili na miezi mitano. Hahitaji kwenda gerezani wakati huu.

Mfuatano wa Matukio

Julai 26, 2021

Kesi ya uhalifu ilifunguliwa
Julai 30, 2021

Nyumba ya Aleksandr ilifanyiwa msako. Aleksandr alikamatwa, akahojiwa, kisha akaachiliwa lakini akawekewa vizuizi vya kusafiri.
Agosti 3, 2021

Aliongezwa kwenye orodha ya watu wenye msimamo mkali nchini Urusi
Aprili 28, 2022

Kesi ya uhalifu ilianza

Maelezo Mafupi Kumhusu

Aleksandr Shutov

Alizaliwa: 1952 (Pionerskiy, Eneo la Irkutsk)

Maisha Yake: Alianza kufanya kazi katika shamba fulani tangu alipokuwa na umri wa miaka 15. Sasa amestaafu

Alifunga ndoa na Rosa mwaka wa 1973. Wana watoto 4, wajukuu 11, na vitukuu 3

Mama yake alijifunza kweli na Mashahidi wa Yehova waliokuwa uhamishoni huko Siberia. Aleksandr alibatizwa mwaka wa 1975. Mwaka wa 1976 alihukumiwa kifungo cha mwaka mmoja gerezani kwa kukataa utumishi wa kijeshi

Maelezo ya Kibinafsi

Unaweza kutueleza kuhusu mambo uliyojifunza ulipofungwa kwa mara ya kwanza mwaka wa 1976?

Ninakumbuka jambo moja nililopitia wakati huo. Nilipokuwa nikisafirishwa kwenda gerezani, mmoja wa maofisa wa KGB aliniambia: “Itakuwa safari ndefu; ni sawa tukizungumza kidogo?” Baada ya kumjibu maswali yake yote, alisema: “Naona umetulia sana. Ni kana kwamba ninakupeleka nyumbani na si gerezani.” Nilitambua kwamba unapomtegemea Yehova na kumwomba akusaidie huku ukiwa na imani thabiti, utapata utulivu kama huo. Unahisi ni kana kwamba hakuna jambo baya linaloendelea. Hata ninapopitia magumu sasa ninahitaji kuendelea kumtegemea Yehova na kumwomba mwongozo.

Kadiri mateso yanavyoongezeka, acheni tuimarishe imani yetu sasa na tuazimie kuutumaini “upendo mshikamanifu wa Mungu milele na milele.”—Zaburi 52:8.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI