APRILI 27, 2023 | HABARI ZIMEONGEZWA: JUNI 28, 2024
URUSI

HABARI ZA KARIBUNI—NDUGU AHUKUMIWA | “Hatujakosa Chochote”

CHEZA

Juni 27, 2024, Mahakama ya Wilaya ya Maiminskiy iliyo katika Jamhuri ya Altai ilimhukumu Ndugu Sergey Petrenko kifungo cha nje cha miaka minne. Hahitaji kwenda gerezani wakati huu.

Maelezo Mafupi Kumhusu

Sergey Petrenko

Alizaliwa: 1979 (Ulan-Ude, Jamhuri ya Buryatia)

Maisha Yake: Alifanya kazi ya kuchomelea vyuma na pia kazi ya udumishaji wa majengo

Yeye na familia yao walianza kujifunza Biblia pamoja na Mashahidi wa Yehova. Alifurahi sana alipojifunza kuhusu tumaini la ufufuo. Alibatizwa mwaka wa 1996

Alifunga ndoa na Uliana mwaka wa 2013

Maelezo ya Kibinafsi

Yehova amekutegemezaje wewe na familia yako pia?

Miezi michache baada ya kesi ya uhalifu kuanzishwa dhidi yangu, waajiri wangu hawakutaka tena niwafanyie kazi, basi wakaniomba nijiuzulu. Jambo hilo lilifanya iwe vigumu hata zaidi kuiandalia familia yangu mahitaji ya kimwili. Hata hivyo, hali hiyo ilifanya nimtegemee Yehova hata zaidi na kuwa macho kuona jinsi anavyonisaidia. Kwa mfano, ndugu na dada kutanikoni wametutegemeza sana. Wanasali kwa ajili yetu, wanakuja mahakamani kesi yangu inaposikilizwa, na hata wanatupatia msaada wa kimwili. Tangu kesi yangu ya uhalifu ilipoanza, hatujakosa chochote.

Kama Sergey, sisi pia tunajua kwamba Yehova hataacha kamwe kuwa tegemeo letu tunapoendelea kuvumilia kwa uaminifu.—2 Samweli 22:19, 20.

Mfuatano wa Matukio

Januari 16, 2022

Msako wafanywa nyumbani kwake
Julai 28, 2022

Kesi ya uhalifu yafunguliwa
Desemba 7, 2022

Awekewa vizuizi vya kusafiri
Desemba 22, 2022

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI