OKTOBA 26, 2022 | HABARI ZILIONGEZWA: NOVEMBA 22, 2022
URUSI

HABARI ZA KARIBUNI—NDUGU AHUKUMIWA | “Kwa Msaada wa Mungu Ninaweza Kuvumilia Jambo Lolote”

CHEZA

Novemba 21, 2022, Mahakama ya Jiji la Asha iliyo katika Eneo la Chelyabinsk ilimhukumu Ndugu Andrey Perminov kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Juni 11, 2021

Nyumba tano za familia za Mashahidi wa Yehova, kutia ndani nyumba ya familia ya Andrey, zilifanyiwa msako katika majiji ya Asha na Minyar. Wenye mamlaka walichukua vitu vingi vya kibinafsi vya Mashahidi hao
Novemba 10, 2021

Andrey aliwekewa vizuizi vya kusafiri
Aprili 27, 2022

Alishtakiwa kwa kushiriki utendaji wa shirika lililo na msimamo mkali na jina lake likaongezwa kwenye orodha ya magaidi
Juni 6, 2022

Kesi ya uhalifu ilianza

Maelezo Mafupi Kumhusu

Andrey Perminov

Alizaliwa: 1972 (Asha)

Maisha Yake: Alikuwa mtoto mwenye nguvu na mwenye shughuli nyingi, lakini baadaye alianza kutembelea kiti cha magurudumu kwa sababu ya ugonjwa mbaya. Baada ya kumaliza shule, alianza kufanya kazi akiwa mhasibu kwenye taasisi ya watu wenye ulemavu. Kwa sasa anafanya kazi ya kudumisha tovuti na pia ni mtaalamu wa programu za kompyuta

Tangu alipokuwa kijana alijiuliza kuhusu kusudi la uhai. Alianza kujifunza Biblia na Mashahidi wa Yehova mwaka wa 1995. Alibatizwa mwaka wa 1999. Alifunga ndoa na Natalya mwaka wa 2015

Maelezo ya Kibinafsi

Ni mfano gani wa Biblia ambao umekuimarisha?

Hivi karibuni, mpelelezi alinipigia simu na kuniambia kwamba nitashtakiwa kama mhalifu. Niliposikia habari hiyo, nilikuwa na wasiwasi mwingi sana. Lakini siku hiyohiyo, mimi na mke wangu tulikuwa tumesoma kuhusu kisa cha Daudi wakati ambapo Waamaleki waliteka jiji la Siklagi na kuwachukua watu wote mateka. Wakati huo, Daudi ‘alianza kulia kwa sauti kubwa mpaka akakosa nguvu za kuendelea kulia.’ Ingawa “alifadhaika sana, . . . Daudi [alijitia] nguvu kwa msaada wa Yehova Mungu wake.” (1 Samweli 30:4, 6) Mfano wa Daudi ulinikumbusha kwamba kwa msaada wa Mungu ninaweza kuvumilia jambo lolote. Tukipoteza kitu chochote, hata iwe ni amani yetu ya akili au jina zuri, Baba yetu atatusaidia.

Kama Andrey, tunaweza kufarijiwa na jinsi Yehova alivyowasaidia watumishi wake waaminifu wa wakati uliopita. Tuna uhakika katika ahadi hii ya Mungu: “Kama nilivyofanya, nitakubeba na kukuchukua na kukuokoa.”—Isaya 46:4.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI