MACHI 29, 2024 | HABARI ZIMEONGEZWA: JULAI 10, 2024
URUSI

HABARI ZA KARIBUNI—NDUGU AHUKUMIWA | “Moyo Wangu Hauna Wasiwasi Wala Woga”

CHEZA

Julai 10, 2024, Mahakama ya Wilaya ya Khabarovsk iliyo katika Eneo la Khabarovsk ilimhukumu Ndugu Valeriy Rabota kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Valeriy Rabota

Alizaliwa: 1961 (Ukrainia)

Maisha Yake: Alifanya kazi akiwa dereva wa kupelekea wateja bidhaa

Alisali kwa Mungu akimwomba amjue. Mashahidi wa Yehova walikutana naye siku iliyofuata, na wakamsaidia kupata majibu ya maswali yake. Alibatizwa mwaka wa 1995

Alifunga ndoa la Elvira mwaka wa 2018

Maelezo ya Kibinafsi

Ni nini kilichokusaidia kubaki ukiwa mtulivu maofisa wa polisi walipofika ili kufanya msako nyumbani kwako?

Mimi na mke wangu tulikuwa tu tumemaliza kula chakula cha mchana tuliposikia mlango wetu ukigongwa kwa nguvu. Ilisikika ni kama jiwe kubwa lilikuwa limetupwa kwenye mlango wetu. Wakati huo nilitambua kilichokuwa kikitukia. Papo hapo nikakumbuka mchoro wa malaika mwenye nguvu aliyekuwa akiangalia nyumba ambamo familia ilikuwa imeketi ikitoa sala huku wanajeshi wakijaribu kuvunja mlango waingie ndani. Nilimwambia mke wangu: “Yehova, Yesu, na malaika wengi sana wanatutazama sisi wakati huu.” Si rahisi kuelezea hisia ya utulivu niliyopata na jinsi nilivyohisi niko karibu na Yehova kuanzia wakati huo na kuendelea. Namshukuru sana Yehova, moyo wangu hauna wasiwasi wala woga. Umejaa amani na utulivu.

Tunathamini sana kielelezo cha imani ambacho Valeriy ametuwekea, na tunajua kwamba Yehova atamlinda yeye na wote wanaoendelea kujithibitisha wenyewe kuwa washikamanifu.—Zaburi 37:28.

Mfuatano wa Matukio

Machi 1, 2022

Kesi ya uhalifu ilifunguliwa
Machi 3, 2022

Nyumba ilifanyiwa msako. Alihojiwa na akawekwa kizuizini
Machi 5, 2022

Alisafirishwa na kupelekwa mahabusu
Juni 29, 2022

Aliachiliwa kutoka mahabusu na akawekwa katika kifungo cha nyumbani
Oktoba 7, 2022

Aliachiliwa kutoka katika kifungo cha nyumbani na akawekewa vizuizi vya kusafiri
Mei 11, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI