MACHI 22, 2023 | HABARI ZILIONGEZWA: APRILI 28, 2023
URUSI

HABARI ZA KARIBUNI—NDUGU AHUKUMIWA | “Nimeazimia Kufanya Kile Yehova Anachotaka”

CHEZA

Aprili 28, 2023, Mahakama ya Jiji la Asha iliyo katika Eneo la Chelyabinsk ilimhukumu Ndugu Vadim Fedorov kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Vadim Fedorov

Alizaliwa: 1968 (Rudny, Kazakhstan)

Maisha Yake: Anafanya kazi zinazohusisha kusafirisha mizigo

Alifunga ndoa na Lyubov mwaka wa 1991. Wana watoto watano

Alipendezwa na ahadi ya Biblia kuhusu uzima wa milele. Yeye na mke wake walibatizwa na kuwa Mashahidi wa Yehova mwaka wa 1993

Maelezo ya Kibinafsi

Umetiwa moyo jinsi gani na mifano ya ndugu na dada wanaoteswa?

Hivi karibuni nilipata fursa ya kuzungumza na ndugu na dada kadhaa ambao wameshtakiwa kwa sababu ya imani yao. Nilitiwa moyo sana nilipozungumza na ndugu mmoja anayeitwa Nikolay Kuzichkin. Alikabili matatizo makubwa sana ya kiafya alipokuwa gerezani. Licha ya umri wake na afya yake, nilivutiwa sana na jinsi alivyozungumza na pia uwezo wake wa kukariri maandiko mengi ya Biblia. Ni wazi kwamba analipenda Neno la Mungu sana na ana uhusiano wa karibu na Yehova. Mfano wake ulinikumbusha kwamba umri, matatizo ya afya, au hata kifungo cha gerezani haviwezi kutuzuia kuwa na uhusiano wa karibu na Yehova. Nilipokuwa nikimsikiliza Nikolay, nilikumbuka kwamba nguvu zinazozidi zile za kawaida zinatoka kwa Yehova pekee.

Changamoto hizi zinakusaidia kusitawisha sifa gani?

Wakati mwingine ninatenda harakaharaka bila kufikiri kwa uangalifu. Hata nyakati nyingine, ninafanya maamuzi kwa kutegemea hisia zangu. Kupitia changamoto hizi kunanisaidia kusitawisha subira, hasa inapohusu kumngoja Yehova na kumruhusu aongoze mambo maishani mwangu. Nimeazimia kufanya kile Yehova anachotaka.

Kama Vadim, sisi pia tuna uhakika kwamba Yehova atawabariki na kuwaimarisha wale wanaoendelea kumtumaini na “[kufuata] njia yake.”—Zaburi 37:34.

Mfuatano wa Matukio

Juni 11, 2021

Maofisa wa polisi walivamia nyumba ya Vadim na ya Andrey, mwana wake
Aprili 29, 2022

Vadim alishtakiwa kuwa mhalifu
Desemba 1, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI