MEI 2, 2023 | HABARI ZILIONGEZWA: JULAI 3, 2023
URUSI

HABARI ZA KARIBUNI—NDUGU AHUKUMIWA | Nimechochewa na Mifano ya Watu Wenye Imani

CHEZA

Mahakama ya Wilaya ya Leninskiy iliyo katika Jiji la Novosibirsk ilimhukumu Ndugu Dmitriy Dolzhikov na kumwamuru kwamba atafanya kazi ngumu kwa miaka mitatu. Hahitaji kwenda gerezani wakati huu. Hukumu yake inatia ndani asilimia 10 ya mshahara atakaopokea utachukuliwa na serikali katika miaka hiyo mitatu. Pia, haruhusiwi kutoka nje ya mipaka ya jiji.

Maelezo Mafupi Kumhusu

Dmitriy Dolzhikov

Alizaliwa: 1978 (Kamyshevka, Eneo la Rostov)

Maisha Yake: Alifanya kazi kwenye viwanda na ujenzi

Alikutana na Mashahidi wa Yehova mama yake alipoanza kujifunza Biblia. Alihudhuria kusanyiko la Mashahidi na akapendezwa sana na upendo na umoja aliouona huko. Alibatizwa mwaka wa 1997

Alifunga ndoa na Marina mwaka wa 2008

Maelezo ya Kibinafsi

Ulijitayarishaje kukabiliana na mnyanyaso?

Ndugu Dennis Christensen alipokamatwa mwaka wa 2017 na mwishowe akafungwa gerezani, nilifikiria njia ambazo ninaweza kuimarisha imani yangu kabla sijakamatwa. Nilianza kusali kupatana na maneno yaliyoandikwa kwenye Zaburi 26:2, ambapo Daudi alimwomba Yehova amchunguze na kusafisha mawazo na moyo wake. Nilianza kumwomba Yehova anisaidie kutambua udhaifu wangu mwenyewe. Nilisoma tena na tena machapisho kama vile kitabu Wapiga Mbiu na Yesu—Njia, Kweli na Uzima. Pia, nilikariri mistari ya Biblia ambayo ina ahadi za Mungu za kuwasaidia watumishi wake wanapokuwa chini ya majaribu.

Ni simulizi gani la Biblia ambalo limekusaidia kuvumilia?

Nimetiwa moyo na mfano wa Eliya. Alipokuwa akimtoroka Malkia Yezebeli, alihitaji msaada wa Yehova. Mbali tu na kumwonyesha Eliya nguvu zake, Yehova alimfariji na pia akamhakikishia kwamba hakuwa peke yake. Kujua kwamba Yehova yuko pamoja nami na yuko tayari kunisaidia kunanifanya nisiogope kamwe.

Tuna uhakika kwamba Yehova ataendelea kumwimarisha Dmitriy na sisi sote kwa kuwa anaiona imani yetu na uvumilivu wetu.—Ufunuo 2:19.

Mfuatano wa Matukio

Mei 13, 2022

Kesi ya uhalifu yaanzishwa
Septemba 8, 2022

Makao yake yapigwa msako. Afungwa mahabusu
Septemba 9, 2022

Alihojiwa na kusafirishwa kwa ndege Chelyabinsk hadi kwenye kituo cha gereza cha Novosibirsk, umbali wa kilomita zaidi ya 1,500 kilomita
Novemba 11, 2022

Kesi ya uhalifu ilianza
Novemba 24, 2022

Alifunguliwa kutoka mahabusu na kuwekwa kifungo cha nyumbani

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI