JANUARI 6, 2023 | HABARI ZILIONGEZWA: APRILI 19, 2023
URUSI

HABARI ZA KARIBUNI—NDUGU AHUKUMIWA | “Ninaendelea Kumtumaini Yehova Hata Zaidi”

CHEZA

Aprili 18, 2023, Mahakama ya Jiji la Nevinnomyssk katika Eneo la Stavropol ilimhukumu Ndugu Sergey Kuznetsov kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Sergey Kuznetsov

Alizaliwa: 1959 (Anadyr, Kazakhstan)

Maisha Yake: Alikuwa msimamizi katika kiwanda cha umeme kabla ya kupatikana na ugonjwa wa mifupa. Alifanyiwa upasuaji mara mbili ili kutoa uvimbe kwenye ubongo wake. Baada ya upasuaji alipoteza sehemu kubwa ya uwezo wake wa kuona na akapooza

Alianza kuwaza sana kuhusu jinsi wanadamu wanavyoteseka, na jinsi mateso hayo yalivyo kinyume cha haki. Baadaye Mashahidi wa Yehova walitembelea na walimfariji kupitia kweli za Biblia. Alibatizwa mwaka wa 1993. Ana mabinti wawili wakubwa wanaomtunza

Maelezo ya Kibinafsi

Uhusiano wako na Yehova umekuimarishaje katika kipindi hiki?

Ulemavu wangu unafanya mambo yawe magumu. Hata hivyo, ninaendelea kumtumaini Yehova hata zaidi. Yehova amenisaidia katika njia ambazo sikutarajia. Nimejionea ukweli wa maneno ya Zaburi 37:5: “Mkabidhi Yehova njia yako; mtegemee yeye, naye atatenda kwa niaba yako.” Amenionyesha upendo na amenitunza, hilo linanichochea nisikate tamaa.

Yehova amemtunza sana Sergey na hilo linatuhakikishia kwamba anaona ‘taabu zetu zote’ naye ‘atatwinua na kutubeba’ tunapokabili jaribu lolote.—Isaya 63:9.

Mfuatano wa Matukio

Novemba 21, 2018

Wenye mamlaka walivamia nyumba nyingi za Mashahidi huko Nevinnomyssk, kutia ndani nyumba ya Sergey
Desemba 12, 2019

Kesi ya uhalifu yafunguliwa
Juni 18, 2020

Aongezwa kwenye orodha ya watu wenye msimamo mkali
Mei 31, 2022

Awekewa vizuizi vya kusafiri
Septemba 7, 2022

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI