JUNI 12, 2024 | HABARI ZIMEONGEZWA: JULAI 25, 2024
URUSI

HABARI ZA KARIBUNI—NDUGU AHUKUMIWA | “Tutamtumikia Yehova Pamoja”

CHEZA

Julai 24, 2024, Mahakama ya Wilaya ya Sovietskiy iliyo katika Jiji la Oryol ilimhukumu Ndugu Dmitriy Ignatov kifungo cha miaka miwili na kazi ya kulazimishwa gerezani. Ataishi gerezani na kufanya kazi kwenye maeneo aliyogawiwa katika jamii. Wakati wa hukumu hiyo mahakama iliamua kwamba asilimia 5 ya mshahara wake itachukuliwa na serikali.

Maelezo Mafupi Kumhusu

Dmitriy Ignatov

Alizaliwa: 1997 (Oryol)

Maisha Yake: Anafanya kazi zinazohusisha kusafirisha mizigo

Dmitriy alipokuwa na umri wa miaka kumi mama yake alianza kujifunza Biblia na Mashahidi wa Yehova. Dmitriy alibatizwa mwaka wa 2017

Alifunga ndoa na Darya mwaka wa 2020

Maelezo ya Kibinafsi

Mke wako amekuungaje mkono katika nyakati hizi ngumu?

Ninamshukuru sana Yehova kwa kunipa msaidizi mwenye thamani, yaani, mke wangu Darya. Ingawa si rahisi kukabiliana na hali hii, na pindi fulani inaogopesha, sikuzote ameniunga mkono. Sikuwa na uwezo wa kuiandalia familia yangu kama nilivyofanya hapo awali kwa sababu ya vizuizi nilivyowekewa na mahakama, na hilo liliniletea wasiwasi. Lakini Darya alinihakikishia kwamba tuna kila kitu tunachohitaji. Ingawa tulipoteza vitu fulani, kama vile kompyuta na simu zetu, hatujapoteza upendo wa Yehova. Tuna uhakika kwamba tunaweza kushinda magumu yoyote ikiwa tutamtumikia Yehova pamoja.

Tunashukuru sana kwamba mfano wa Dmitriy na Darya unatukumbusha ikiwa ‘tutaendelea kukazia akili zetu kwenye mambo yaliyo juu,’ tutafaulu kudumisha usawaziko wa kiroho hata tunapokabili hali ngumu.—Wakolosai 3:2.

Mfuatano wa Matukio

Desemba 9, 2020

Nyumba ilifanyiwa msako
Oktoba 28, 2021

Kesi ya uhalifu ilifunguliwa
Septemba 13, 2023

Nyumba ilifanyiwa msako kwa mara nyingine
Machi 4, 2024

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI