AGOSTI 10, 2022
URUSI

HABARI ZA KARIBUNI—NDUGU AHUKUMIWA | Viktor Shayapov Anavumilia kwa Shangwe kwa Sababu ya Kuwa Mwenye Shukrani

CHEZA

Novemba 7, 2022, Mahakama ya Wilaya ya Nikolskiy iliyo katika Eneo la Penza ilimhukumu Ndugu Viktor Shayapov kifungo cha nje cha miaka miwili. Hahitaji kwenda gerezani wakati huu.

Mfuatano wa Matukio

Agosti 19, 2021

Kesi ya uhalifu ilifunguliwa. Ameshtakiwa kwa kosa la kushiriki utendaji wenye msimamo mkali
Februari 5, 2022

Alisimamishwa na maofisa wa polisi. Siku hiyohiyo nyumba yake ikafanyiwa msako. Aliwekwa kizuizini na kupelekwa umbali wa kilomita 740 katika eneo la Penza
Februari 6, 2022

Aliwekwa mahabusu
Februari 8, 2022

Aliachiliwa kutoka mahabusu na kuwekwa katika kifungo cha nyumbani
Machi 28, 2022

Kesi ya uhalifu ilianza

Maelezo Mafupi Kumhusu

Viktor Shayapov

Alizaliwa: 1989 (Kamenka, Eneo la Moscow)

Maisha Yake: Alikuwa fundi wa magari. Alikataa kwenda jeshini na kufanya utumishi wa badala akifanya kazi posta

Alifunga ndoa na Yekaterina mwaka wa 2010

Yekaterina alianza kujifunza Biblia na Mashahidi wa Yehova kabla ya kukutana na Viktor. Viktor alijiuliza kwa nini watu wanateseka naye alipata jibu lililomridhisha na hilo likamchochea kuanza kujifunza Biblia. Wote walibatizwa mwaka wa 2008

Maelezo ya Kibinafsi

Ni nini kilichokusaidia kudumisha mtazamo mzuri katika kipindi hiki kigumu?

Jambo moja nililojifunza ni kujionea fadhili za Yehova hata katika mambo madogo, kama vile mlo mzuri, ndege angani, au upepo mwanana. Hilo linanichochea kumshukuru Yehova mara kwa mara kwa sababu ya fadhili zake. Kufanya hivyo, kumenisaidia kukazia fikira mambo mazuri na pia, ninaona upendo wa Yehova muda wote.

Pia, kuona mfano mzuri wa rafiki yangu kumenisaidia kuwa na mtazamo mzuri, naye alinipa mapendekezo mazuri. Aliniambia kwamba ni muhimu kuepuka kujiona kama mtu aliyeonewa. Tunapokuwa na woga, maadui wanaweza kutumia woga huo kutukandamiza.

Nimenufaika pia, na wazo linalotajwa kwenye andiko la Wafilipi 1:29: “Kwa maana mlipewa pendeleo kwa ajili ya Kristo, si muwe tu na imani katika yeye, bali pia mteseke kwa ajili yake.” Maneno hayo yamenikumbusha kwamba nina pendeleo kubwa la kutoa ushahidi kwa njia hii.

Tunamshukuru sana Yehova kwa sababu tunajua amani tunayopata kutokana na upendo wake mshikamanifu italinda mioyo na akili zetu hata katika majaribu.—Wafilipi 4:7.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI