MAY 5, 2022 | TAREHE YA KARIBUNI DESEMBA 26, 2022
URUSI

HABARI ZA KARIBUNI—NDUGU AHUKUMIWA | Yehova Amemwimarisha Sergey Kuznetsov

CHEZA

Desemba 22, 2022, Mahakama ya Wilaya ya Vyazemskiy iliyo katika Eneo la Khabarovsk ilimhukumu Ndugu Sergey Kuznetsov kifungo cha nje cha miaka miwili na miezi mitano. Hatahitaji kwenda gerezani wakati huu

Mfuatano wa Matukio

Septemba 3, 2020

Maofisa wa FSB walipekua nyumba ya Sergey. Walichukua Biblia, vifaa vya kielektroni, na machapisho
Aprili 2, 2021

Aliwekwa kwenye orodha ya magaidi. Akaunti zake za Benki zilizuiliwa
Novemba 9, 2021

Kesi ya uhalifu ilianza

Maelezo Mafupi Kumhusu

Sergey Kuznetsov

Alizaliwa: 1991 (Alonka, Eneo la Khabarovsk)

Maisha Yake: Ana dada wawili wenye umri mkubwa kuliko yeye. Anafurahia kucheza mpira wa vikapu, kuteleza kwenye theluji, na mpira wa wavu.

Baada ya kujifunza Biblia, alisadiki kwamba unabii wa Biblia ni wa kweli na kwamba kuna Muumba. Alibatizwa na kuwa Shahidi wa Yehova mwaka wa 2014

Badala ya kutumika jeshini alifanya utumishi wa badala wa kiraia kwenye hospitali inayotibu magonjwa ya akili

Maelezo ya Kibinafsi

Ndugu na dada zako wa kiroho wamekuimarishaje?

Mamia ya ndugu na dada zetu ambao wameshtakiwa ni kama mashujaa ambao wako tayari kuteseka kwa ajili ya jina la Kristo. Ninafurahi sana na ninahisi ni pendeleo kuwa miongoni mwao.

Ndugu na dada kutanikoni wamenisaidia sana. Kufanya kazi pamoja na ndugu na dada kumenisaidia kuendelea kubaki mwaminifu ili nipate thawabu zilizo mbele yetu. Ni sawa na kupanda mlima mrefu kama Mlima Everest. Sio rahisi kufanya hivyo ukiwa peke yako . . . Lakini tunapofanya kazi pamoja, sisi sote tunatiana moyo na tunahisi kwamba tuna nguvu za kuendelea kuvumilia.

Tuna uhakika kwamba Yehova ataendelea kuwaimarisha ndugu na dada zetu nchini Urusi na Crimea wanapoendelea kustahimili kwa ajili ya jina lake.—Ufunuo 2:3.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI