FEBRUARI 16, 2023| HABARI ZIMEONGEZWA: SEPTEMBA 21, 2023
URUSI

HABARI ZA KARIBUNI—NDUGU AMEFUNGUWA | ‘Ninathamini Hata Zaidi Maandalizi ya Yehova’

CHEZA

Septemba 15, 2023, Mahakama ya Jiji la Kovrovskiy iliyo katika Eneo la Vladimir ilimhukumu Ndugu Aleksey Kupriyanov kifungo cha mwaka mmoja gerezani. Hata hivyo, kutokana na muda ambao tayari alitumia mahabusu na katika kifungo cha nyumbani, inahesabiwa kwamba amekamilisha kifungo chake. Hatahitaji kwenda gerezani wakati huu.

Maelezo Mafupi Kumhusu

Aleksey Kupriyanov

Alizaliwa: 1973 (Kovrov)

Maisha Yake: Anafanya kazi ya uhasibu

Alifunga ndoa na Yelena mwaka wa 1993. Wana mwana mmoja

Alisikia kuhusu Mashahidi wa Yehova kwa mara ya kwanza kutoka kwa ndugu mmoja aliyekuwa akihubiri isivyo rasmi kwenye garimoshi. Aleksey na Yelena walianza kujifunza Biblia. Aleksey alibatizwa mwaka wa 1993 kisha Yelena akabatizwa mwaka wa 1994

Maelezo ya Kibinafsi

Muda ambao umekuwa mahabusu umeathirije maoni yako?

Baada ya kutoka mahabusu, ninathamini hata zaidi maandalizi ya kiroho ambayo Yehova anatupatia na ninaelewa umuhimu wa kutumia kikamili maandalizi hayo tunapokuwa na uhuru wa kufanya hivyo. Mojawapo ya maandiko ninayopenda zaidi ni Mhubiri 9:10, ambalo linasema hivi kwa sehemu: “Jambo lolote unalofanya kwa mkono wako, lifanye kwa nguvu zako zote.” Nimeazimia kabisa kujenga ghala langu la kiroho sasa kwa sababu ninajua kufanya hivyo kutanisaidia sana kuvumilia majaribu siku za usoni.

Sisi pia tumeazimia kutumia maandalizi tunayopata kutoka kwa Yehova ambayo yanatusaidia “[kuvaa] mavazi kamili ya silaha . . . ili [tuweze] kusimama imara dhidi ya matendo yenye hila ya Ibilisi.”—Waefeso 6:11.

Mfutano wa Matukio

Februari 17, 2021

Maofisa wa polisi walifanya msako katika nyumba saba za Mashahidi wa Yehova, kutia ndani nyumba ya familia ya Kupriyanov. Ndugu na dada ishirini na watatu walihojiwa.
Juni 28, 2021

Kesi ya uhalifu ilifunguliwa. Aleksey alishtakiwa kwa sababu ya kushiriki utendaji wa shirika lenye msimamo mkali hasa kuhudhuria mikutano
Julai 8, 2021

Nyumba yao ilifanyiwa msako kwa mara ya pili. Alihojiwa na kuwekwa kizuizini
Julai 9, 2021

Alihamishwa na kupelekwa mahabusu
Novemba 19, 2021

Alitolewa mahabusu na kuwekwa chini ya kifungo cha nyumbani
Juni 21, 2022

Alipewa ruhusa ya kutoka nyumbani lakini aliwekewa vizuizi vingine kuhusiana na sehemu anazoweza kwenda na mambo anayoweza kufanya
Oktoba 4, 2022

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI