NOVEMBA 8, 2022 | HABARI ZIMEONGEZWA: JANUARI 22, 2024
URUSI

HABARI ZA KARIBUNI—NDUGU AMEFUNGWA | Kusali na Kusoma Biblia Hutokeza Uvumilivu

CHEZA

Januari 17, 2024, Mahakama ya Jiji la Maykop iliyo katika Jamhuri ya Adygeya ilimhukumu Ndugu Nikolay Saparov kifungo cha miaka sita gerezani. Amekuwa mahabusu tangu Machi 2022 naye ataendelea kukaa kizuizini.

Mfuatano wa Matukio

Machi 22, 2022

Kesi ya uhalifu ilifunguliwa
Machi 23, 2022

Nikolay alikamatwa kwenye uwanja wa ndege akiwa na mke wake pamoja na binti yao. Baada ya kumhoji, wenye mamlaka walimshtaki kwa madai ya kupanga utendaji wa shirika lenye msimamo mkali. Kisha wakampeleka kizuizini. Baadaye, nyumba yao ilifanyiwa msako
Machi 24, 2022

Nikolay alihamishiwa mahabusu
Mei 19, 2022

Kesi ya uhalifu ilianza

Maelezo Mafupi Kumhusu

Nikolay Saparov

Alizaliwa: 1981 (Saint Petersburg, Eneo la Leningrad)

Maisha Yake: Alifanya kazi akiwa msimamizi kwenye kampuni ya kibiashara

Alibatizwa na kuwa Shahidi wa Yehova mwaka wa 1997. Alifunga ndoa na Nataliya mwaka wa 2004. Wana binti mmoja

Maelezo ya Kibinafsi ya Nataliya, a mke wa Nikolay

Ni nini kinachomsaidia Nikolay kuvumilia akiwa mahabusu?

Ndani ya muda wa miezi mitatu tu, Nikolay amefaulu kusoma Biblia nzima mara mbili. Hilo limemsaidia kuwa na furaha. Anasali mara nyingi na anasema kwamba amesitawisha uhusiano wa karibu zaidi na Yehova. Ingawa Nikolay hajapokea barua tulizomtumia, sisi tunapata barua kutoka kwake kwa ukawaida. Barua zake zinatufanya tuhisi kwamba anatupenda sana na anatujali! Anatueleza mambo ambayo amekuwa akitafakari na jinsi Yehova anavyomtegemeza.

Ni nini kinachokusaidia kuvumilia?

Tangu alipowekwa kizuizini, tumeruhusiwa kumtembelea mara moja tu. Kutenganishwa kumekuwa changamoto kubwa kwetu. Kila asubuhi ninaamka na machozi nikijua kwamba sitakuwa pamoja na mume wangu mpendwa kwa siku nyingine. Kwa hiyo, jambo la kwanza ninalofanya ni kusali hadi ninapohisi vizuri. Baada ya hapo, ninatumia saa moja kufanya usomaji wangu wa Biblia. Ninapofanya hivyo, ninahisi Yehova yuko karibu sana nami.

Mfano mzuri wa familia ya Saparov unatukumbusha kwamba sikuzote Yehova atasikia watumishi wake waaminifu “[wanapolilia] msaada.”—Zaburi 119:147.

a Makala hii ilipokuwa ikitayarishwa Ndugu Saparov alikuwa mahabusu na hivyo hatukuweza kupata maelezo kutoka kwake.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI