SEPTEMBA 21, 2022 HABARI ZIMEONGEZWA: JANUARI 19, 2023
URUSI

HABARI ZA KARIBUNI—NDUGU AMEHUKUMIWA | “Tutakabiliana na Mambo Hayo Yote Tukiwa Pamoja”

CHEZA

Januari 17, 2023 Mahakama ya Wilaya ya Avtozavodskiy iliyo Nizhny Novgorod ilimhukumu Ndugu Gevorg Gevorkyan kifungo cha nje cha miaka sita. Hahitaji kwenda gerezani wakati huu.

Mfuatano wa Matukio

Julai 17, 2019

Maofisa wa polisi walifanya msako kwenye nyumba ya Gevorg. Walichukua vifaa vya kielektroni na pia, vyeti mbalimbali
Julai 18, 2019

Alifuatwa kazini, akakamatwa na kupelekwa kituoni ili kuhojiwa. Alihojiwa kwa muda wa saa kumi
Agosti 26, 2021

Aliwekewa vizuizi vya kusafiri
Novemba 24, 2021

Alishtakiwa kwa kuongoza mikutano ya Mashahidi wa Yehova
Januari 26, 2022

Kesi ilirudishwa kwa mwendesha-mashtaka

Maelezo Mafupi Kumhusu

Gevorg Gevorkyan

Alizaliwa: 1971 (Tvarcheli, Jamhuri ya Abkhazia)

Maisha Yake: Familia yao ilihamia Tbilisi, Georgia, alipokuwa na umri wa miaka 15. Alihamia Urusi vita vilipozuka karibu na mahali walipokuwa wakiishi. Alifanya kazi ya kuendesha foko ili kuhamisha mizigo kutoka sehemu moja hadi nyingine kiwandani

Kitabu Life–How Did It Get Here? By Evolution or by Creation? kilimchochea kufikiria kuhusu chanzo cha uhai. Alianza kujifunza Biblia na akabatizwa mwaka wa 1996. Alifunga ndoa na Yana mwaka huohuo

Maelezo ya Kibinafsi

Ni nini kinachokusaidia wewe na familia yako kuendelea kuwa na shangwe?

Mimi na mke wangu tunajitahidi kudumisha mtazamo mzuri, ingawa pindi nyingine tunavunjika moyo. Tunapopatwa na hali hiyo, kila mmoja wetu humtegemeza mwenzake na kumhakikishia kwamba anampenda.

Yehova ameonyeshaje kwamba anakupenda?

Ninathamini sana msaada na kitia moyo ninachopata kutoka kwa Wakristo wenzangu ambao pia wanachunguzwa na wenye mamlaka. Kesi yangu iliposikilizwa kwa mara ya kwanza mahakamani, ndugu na dada kutoka kutanikoni kwetu na hata ndugu wengine ambao sikuwajua walikuja kuniunga mkono. Tabasamu zao na maneno yao yenye kutia moyo yaliniimarisha sana. Ni kana kwamba Yehova aliwatumia ndugu hao kunihakikishia kwamba tutakabiliana na mambo hayo yote tukiwa pamoja.

Mfano wa Gevorg unatukumbusha kwamba “mateso yaleyale yanaupata ushirika mzima wa ndugu [zetu] ulimwenguni” na hilo linaweza kutusaidia kumpinga Shetani na kubaki “imara katika imani.”—1 Petro 5:9.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI