JULAI 11, 2023 | HABARI ZIMEONGEZWA: NOVEMBA 9, 2023
URUSI

HABARI ZA KARIBUNI—NDUGU AMEHUKUMIWA | “Yehova Hataniacha Kamwe”

CHEZA

Mahakama ya Wilaya ya Pozharsky iliyo katika Eneo la Primorye ilimhukumu Ndugu Valeriy Vyaznikov kifungo cha nje cha miaka miwili na miezi sita. Hahitaji kwenda gerezani wakati huu.

Maelezo Mafupi Kumhusu

Valeriy Vyaznikov

Alizaliwa: 1963 (Sredniy Urgal, Eneo la Khabarovsk)

Maisha Yake: Alifanya kazi katika mgodi wa makaa ya mawe na baadaye alifanya kazi katika kiwanda cha umeme

Alifunga ndoa na Marina mwaka wa 1991. Wana watoto wanne

Wote wawili walianza kujifunza Biblia na Mashahidi wa Yehova mwaka wa 1993. Valeriy alisadiki kwamba Biblia inategemeka baada ya kuchunguza unabii uliyomo. Alibatizwa mwaka wa 1994

Maelezo ya Kibinafsi

Ni mstari gani wa Biblia ambao umekutia moyo sana katika kipindi hiki kigumu?

Siku moja nilikuwa na wasiwasi mwingi sana, kwa hiyo nikamweleza Yehova katika sala. Baadaye siku hiyohiyo, rafiki mmoja alinitumia ujumbe uliotia ndani mistari kadhaa ya Biblia. Mstari mmoja ulikuwa Yeremia 31:3, na hapo Yehova anasema: “Nimekupenda kwa upendo wa milele.” Mstari huo ulinigusa moyo sana. Hilo lilinikumbusha kwamba Yehova hataniacha kamwe. Yeye ni Mungu anayejali, mwenye wororo na upendo mwingi.

Tuna uhakika kwamba ikiwa tutaendelea kutegemea nguvu za Neno la Mungu kama anavyofanya Valeriy, sisi pia tutafaulu kuvumilia majaribu yetu yote.—Waebrania 4:12.

Mfuatano wa Matukio

2018

Wapelelezi walianza kuwachunguza kisiri Mashahidi wa Yehova katika jiji la Luchegorsk. Mtu mmoja alijifanya kwamba anapendezwa na ujumbe wa Biblia lakini kihalisi alikuwa ofisa wa polisi ambaye alikuwa akitafuta ushahidi. Alirekodi kwa siri mazungumzo yake na baadhi ya Mashahidi wa Yehova katika eneo hilo
Julai 16, 2021

Kesi ya uhalifu ilifunguliwa dhidi ya Valeriy. Alishtakiwa kwa madai ya kwamba alikuwa akijaribu kuwahusisha wengine katika utendaji wa shirika lililopigwa marufuku
Desemba 5, 2022

Aliwekewa vizuizi vya kusafiri
Februari 9, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI