MEI 18, 2022 | TAREHE YA KARIBUNI: DESEMBA 21, 2022
URUSI

HABARI ZA KARIBUNI—NDUGU WAFUNGWA | Tumaini la Wakati Ujao Linawasaidia Akina Ndugu Kuvumilia

CHEZA

Mahakama ya Jiji la Blagoveshchensk iliyo katika Eneo la Amur ilitangaza hukumu dhidi ya Ndugu Sergey Afanasiyev, Ndugu Sergey Kardakov, a Ndugu Anton Olshevskiy, Ndugu Adam Svarichevskiy, na Ndugu Sergey Yermilov. Ndugu Afanasiyev alihukumiwa kifungo cha miaka sita na miezi mitano gerezani. Ndugu Kardakov alihukumiwa kifungo cha miaka sita na miezi minne gerezani. Ndugu Olshevskiy, Ndugu Svarichevskiy, na Ndugu Yermilov walihukumiwa kifungo cha miaka sita na miezi mitatu gerezani. Ndugu hao waliwekwa kizuizini mahakamani.

Mfuatano wa Matukio

Julai 20, 2018

Wenye mamlaka walifanya msako kwenye nyumba ya Ndugu Afanasiyev, ya Ndugu Olshevskiy, na ya Ndugu Svarichevskiy
Oktoba 21, 2019

Kesi ya uhalifu ilifunguliwa dhidi ya Ndugu Yermilov na Ndugu Olshevskiy kwa sababu ya kushiriki katika utendaji wa kidini ambao wenye mamlaka walidai kwamba ungekuwa na “matokeo mabaya kwa jamii”
Septemba 10, 2020

Kesi ya uhalifu ilifunguliwa dhidi ya Ndugu Svarichevskiy. Alishtakiwa kwamba alijiunga na Ndugu Olshevskiy na Ndugu Yermilov katika kushiriki utendaji wa shirika la kidini ambalo limepigwa marufuku
Septemba 18, 2020

Ndugu Afanasiyev aliongezwa kwenye kesi ya uhalifu
Septemba 24, 2020

Nyumba ya Ndugu Kardakov ilipekuliwa. Aliongezwa kwenye kesi ya uhalifu na kushtakiwa kwamba ametenda kinyume na misingi ya kikatiba na kuhatarisha usalama wa nchi kwa sababu alisoma Biblia na kusali kwa Yehova Mungu
Machi 12, 2021

Ndugu Olshevskiy aliongezewa mashtaka ya kupanga mikutano ya shirika lililopigwa marufuku na kuongoza kazi ya kuhubiri
Oktoba 21, 2021

Kesi ya uhalifu ilianza

Maelezo Mafupi Kuwahusu

Adam Svarichevskiy

Alizaliwa: 1963 (Ivano-Frankivsk, Ukrainia)

Maisha Yake: Alijifunza kucheza ala ya kodiani akiwa mtoto. Wazazi wake waliteswa wakati wa utawala wa Sovieti kwa sababu walikuwa Mashahidi wa Yehova

Alibatizwa mwaka wa 1982. Alifungwa kwa miaka mitatu kwa sababu ya kukataa kujiunga na jeshi

Alifunga ndoa na Galina mwaka wa 1986. Wana wana wawili wakubwa

Maelezo ya kibinafsi

Ni nini kilichokusaidia kukataa utumishi wa kijeshi ukiwa kijana hata ingawa kufanya hivyo kungekufanya ufungwe gerezani?

Nilipotafakari kuhusu jinsi baba yangu na ndugu na dada wengine waaminifu walivyoonyesha imani na ujasiri wakati uliopita, nami pia nilipata ujasiri. Nilielewa kwamba ‘kutojifunza vita tena’ ndio jambo sahihi na niliazimia kutii kanuni hiyo. (Isaya 2:4) Nilikuwa na hofu, lakini niliogopa zaidi kumkasirisha Yehova.

Unahisije kuhusu uwezekano wa kurudi gerezani kwa mara ya pili?

Nikienda gerezani tena, nafikiri hilo litamaanisha kwamba Yehova ananiamini sana na nina pendeleo kubwa la kuunga mkono upande wake katika suala la enzi kuu ya ulimwenguni pote.

Ni nini kinachokusaidia usikate tamaa?

Ninaelewa kwamba matatizo haya ni ya muda mfupi na yataisha. Na ninajua kwamba wakati ujao mzuri uko karibu sana. Ninatamani sana kuwepo wakati ambapo Yehova ataifanya dunia yote kuwa paradiso.

Ndugu zetu wanatuwekea mfano mzuri sana kwa kukaza macho yao si juu ya dhiki za muda mfupi wanazokabili sasa lakini juu ya baraka za milele ambazo wale wanaomtumaini Yehova watapata wakati ujao.—2 Wakorintho 4:17, 18.

a b Picha na maelezo ya kibinafsi ya Ndugu Sergey Kardakov na pia maelezo kutoka kwa Ndugu Anton Olshevskiy bado hayajapatikana.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI