FEBRUARI 21, 2022 | HABARI ZIMEONGEZWA: JULAI 31, 2023
URUSI

HABARI ZA KARIBUNI—NDUGU WATOZWA FAINI | Akina Ndugu Wanaimarishwa Imani Kupitia Msaada wa Waamini Wenzao

CHEZA

Julai 28, 2023, Mahakama ya Jiji la Petrozavodsk katika Jamhuri ya Karelia iliwahukumu Ndugu Maksim Amosov, Ndugu Mikhail Gordeev, Ndugu Nikolay Leshchenko, na Ndugu Dmitriy Ravnushkin. Ndugu hao walitozwa faini ya kati ya rubo 450,000 (dola 4,909 za Marekani) na rubo 500,000 (dola 5,455 za Marekani).

Mfuatano wa Matukio

Julai 31, 2019

Maofisa wa FSB walifanya msako katika nyumba na maeneo ya kazi ya Mashahidi 16 wa Yehova
Agosti 2, 2019

Mpelelezi alimwaamuru Maksim asiondoke nchini. Wenye mamlaka walifungua kesi ya uhalifu dhidi ya Nikolay na kumwaamuru asiondoke katika eneo analoishi
Agosti 6, 2019

Mpelelezi aliwashtaki Maksim na Nikolay kwa “kosa” la kujifunza Biblia
Septemba 5, 2019

Maofisa wa FSB walimkamata Mikhail akiwa kazini na wakachukua kompyuta yake. Mpelelezi alifungua kesi ya uhalifu dhidi ya Mikhail
Septemba 20, 2019

Maofisa wa FSB walifanya msako kazini kwa Dmitriy na wakachukua simu yake. Mpelelezi alimhoji Dmitriy kwa saa nne, akafungua kesi ya uhalifu dhidi yake, na akamwaamuru asiondoke katika eneo analoishi
Oktoba 18, 2021

Kesi ya uhalifu ilianza

Maelezo Mafupi Kuwahusu

Mikhail Gordeev

Alizaliwa: 1959

Maisha Yake: Anapenda muziki na kuogelea

Tangu akiwa mtoto, alijiuliza maswali kumhusu Mungu na kusudi la uhai. Mke wake wa kwanza alikufa mwana wao alipokuwa mdogo. Alipokuwa akitafuta faraja, alizungumza na Shahidi wa Yehova na akajifunza jina la Mungu. Alikutana na Mashahidi tena baada ya miaka kadhaa na mara moja akakubali funzo la Biblia. Alibatizwa mwaka wa 1996

Alifunga ndoa na Yelizaveta mwaka wa 1999. Wana binti wawili ambao wanaishi nao nyumbani

Maelezo ya Kibinafsi

Ulifanya nini ili kuandaa familia yako kukabiliana na mateso?

Mashahidi wa Yehova walipopigwa marufuku nchini, . . . Nilitambua kwamba imani yetu ingejaribiwa sana. Basi niliazimia kuimarisha imani yangu na imani ya familia yangu. Kwa kawaida, tunasoma Biblia pamoja, tunasali pamoja na kuomba ujasiri. Tunasoma pia masimulizi kuhusu ndugu na dada zetu ambao walikuwa na uvumilivu.

Je, unakumbuka pindi fulani ambayo ulihisi kwamba Yehova amekusaidia kwa njia ya pekee?

Mwezi mmoja baada ya kufanyiwa msako, [wapelelezi] walinikamata nikiwa kazini. Walinihoji na kunisomea mashtaka yaliyofunguliwa dhidi yangu. Wakati wa mahojiano, wapelelezi, walinibana sana. Walinitishia kwamba wangeniweka mahabusu ikiwa ningekataa kutoa ushahidi dhidi ya ndugu na dada zangu. Hicho kilikuwa kipindi kigumu kwangu. Nilimwomba Yehova anipe hekima na nguvu. Alinisaidia kuvumilia na sikuwasaliti ndugu na dada zangu.

Nikolay Leshchenko

Alizaliwa: 1962 (Poltava, Ukraine)

Maisha Yake: Alifunga ndoa na Svetlana mwaka wa 1984. Mwaka wa 1988, alipokuwa akitumikia jeshini nchini Poland alikokuwa ametumwa, walikutana na wenzi wa ndoa Mashahidi. Katika mwaka wa 1989, walihudhuria Ukumbusho kwa mara ya kwanza. Waliporudi Urusi mwaka wa 1993, walianza kujifunza Biblia, na baadaye mwaka huo wakabatizwa

Maelezo ya Kibinafsi

Umeona Yehova akikusaidia kwa njia gani katika kipindi hiki ambacho huwezi kusafiri?

Mwishoni mwa mwaka wa 2019, nilishuka moyo. Svetlana alihudhuria kusanyiko huko Warsaw, Poland. Alikutana na baadhi ya marafiki zetu, ambao waliishi Poland katika kipindi hicho. Alifanya mpango ili nizungumze nao kwa video iliyounganishwa kupitia mtandao. Sikumbuki tulizungumzia nini kihususa, lakini kuzungumza nao tu, kulinifariji sana. . . . Niliona kwamba huo ulikuwa mkono wa Yehova, alitumia fursa hiyo kunisaidia.

Tuna shangwe nyingi kwa sababu ndugu zetu nchini Urusi wanaendelea kutembea katika kweli licha ya mateso.—3 Yohana 4.

a b Hatukuweza kupata maelezo ya kibinafsi.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI