AGOSTI 5, 2021
URUSI

HABARI ZA KARIBUNI | Ndugu Dmitriy Terebilov Anakabili Kifungo kwa Mara ya Tano, Lakini Mara ya Kwanza kwa Sababu ya Imani Yake

CHEZA

Septemba 22, 2022, Mahakama ya Pili ya Kuchunguza Upya Maamuzi ya Mahakama za Chini ya Urusi ilikataa ombi la pili la rufaa la Ndugu Dmitriy Terebilov. Bado yuko gerezani.

Januari 12, 2022, Mahakama ya Eneo la Kostroma ilikataa ombi la rufaa la Dmitriy.

Mfuatano wa Matukio

Septemba 6, 2021

Mahakama ya Wilaya ya Sverdlovskiy katika jiji la Kostroma ilimhukumu Dmitriy kifungo cha miaka mitatu gerezani. Alipelekwa gerezani moja kwa moja baada ya hukumu kutangazwa
Septemba 8, 2020

Kesi ya uhalifu dhidi ya Dmitriy inaanza
Mei 25, 2020

Dmitriy anashtakiwa rasmi na kuwekewa vizuizi vya kusafiri
Septemba 19, 2019

Pesa zilizo katika akaunti ya benki ya Dmitriy zinazuiliwa
Juni 13, 2019

Kesi ya uhalifu inafunguliwa dhidi ya Dmitriy kwa sababu ya kugawa machapisho yaliyopigwa marufuku na kushiriki katika mikutano ya shirika lililopigwa marufuku
Julai 25, 2018

Nyumba ya Dmitriy inafanyiwa upekuzi yeye na mke wake walipokuwa njiani kutoka kusanyiko la eneo nchini Moldova. Maofisa waliwazuilia na kuwahoji mara tu waliporudi nyumbani

Maelezo Mafupi Kumhusu

Dmitriy Terebilov

Alizaliwa: 1980 (Kostroma)

Maisha Yake: Mama yake alikufa alipokuwa mdogo. Alipokuwa mtoto, alipenda mieleka na kupigana ndondi. Alifungwa gerezani mara nne kwa sababu ya matumizi ya dawa za kulevya

Alianza kujifunza Biblia kupitia barua alipokuwa gerezani mnamo 2010. Aliachiliwa mwaka wa 2013. Alibatizwa mwaka wa 2014. Alifunga ndoa na Irina mwaka wa 2015. Wanapenda kutembea, kupanda milima, na kuendesha baiskeli wakiwa pamoja

Maelezo ya Kibinafsi

Ulipataje kuwafahamu Mashahidi wa Yehova?

Nilikutana na Mashahidi wa Yehova nilipokuwa nikitumikia kifungo changu cha nne kwa sababu ya dawa za kulevya. Agosti 2010, nilipata barua yangu ya kwanza kutoka kwa ndugu anayeishi Udmurtia. Miaka yote niliyofungwa alinitia moyo, akaniandikia barua, na kunitumia machapisho. Bado sisi ni marafiki wa karibu.

Juni 21, 2013, niliachiliwa baada ya kutumikia kifungo changu chote. Nilihamia Kostroma na nikawasiliana na Mashahidi wa Yehova.

Ni nini kilichokusaidia kudumisha shangwe yako na kuepuka kulemewa na mahangaiko?

Kusanyiko la eneo ambalo tulihudhuria mwaka wa 2018 lilikuwa na kichwa “Uwe Jasiri!” Baada ya kurudi kutoka kusanyikoni, tulianza kutumia mambo tuliyojifunza mara moja. . . . Ninakumbuka pindi moja tulikuwa tukitembea kurudi nyumbani [baada ya kuhojiwa nyumba yetu ilipofanyiwa upekuzi mara ya pili]. Tulipofika tuliona ndugu na dada zetu wengi ambao walikuwa wamekuja nyumbani kwetu upesi baada ya kusikia kuhusu upekuzi huo. Huo ulikuwa uthibitisho wa wazi kwamba Yehova yuko karibu nasi.

Unahisije kuhusu uwezekano wa kufungwa tena gerezani, pindi hii kwa sababu ya imani yako?

Baada ya kuona jinsi ambavyo Yehova amenitegemeza muda wote huu, na jinsi anavyowategemeza ndugu na dada ambao tayari wamefungwa gerezani kwa sababu ya imani yao, sina shaka kwamba Yehova atanitegemeza mimi na familia yangu pia. Niliondoka gerezani nikiwa nimeazimia hivi: ‘Ninataka kuwa Shahidi wa Yehova.’ Maoni yangu hayajabadilika tangu wakati huo.

Dmitriy anaendelea kuwa na shangwe inayotokana na ‘kushutumiwa kwa ajili ya jina la Kristo,’ nasi tuna uhakika kwamba “roho ya utukufu, yaani roho ya Mungu, inatulia juu” yake.—1 Petro 4:14.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI