APRILI 1, 2022
URUSI

HABARI ZA KARIBUNI | Ndugu Sergey Belousov Anatetea Jina la Mungu

CHEZA

Aprili 14, 2022, Mahakama ya Jiji la Seversk katika Eneo la Tomsk ilimhukumu Ndugu Sergey Belousov kifungo cha nje cha miaka mitatu. Hatahitaji kwenda gerezani wakati huu.

Mfuatano wa Matukio

Julai 14, 2020

Maofisa wa FSB walivamia nyumba saba, kutia ndani nyumba ya Sergey. Mpelelezi mmoja wa serikali alijifanya anapendezwa na hivyo akarekodi kisiri mkutano wa kutaniko miezi michache kabla ya uvamizi
Machi 25, 2021

Kesi ya uhalifu ilifunguliwa dhidi ya Sergey
Machi 30, 2021

Sergey alishtakiwa kwa kutegemea taarifa za mpelelezi wa serikali. Sergey alishtakiwa kwa kushiriki utendaji wa kidini kwa njia ya video mtandaoni na pia kwa sababu ya kuimba na kusali kwa Yehova Mungu

Maelezo Mafupi Kumhusu

Sergey Belousov

Alizaliwa: 1978 (Esil, Kazakhstan)

Maisha Yake: Alilelewa katika familia ya wanamuziki. Alifanya kazi akiwa fundi-umeme na pia alisimamia kazi katika kiwanda cha kemikali zinazotokana na petroli. Baadaye, alisimamia miradi katika kiwanda cha kubuni vitu mbalimbali. Alifunga ndoa na Svetlana mwaka wa 1999. Wana binti mmoja

Alikutana na Mashahidi wa Yehova mwaka wa 2001. Kupitia Biblia, alijifunza jina la kibinafsi la Mungu, Yehova, na alipata majibu ya maswali muhimu yaliyomhangaisha. Alibatizwa mwaka wa 2002

Maelezo ya Kibinafsi

Ndugu na dada walikupa msaada gani wewe na familia yako?

Ndugu na dada zetu hawajawahi kutupuuza. Walikuja kwetu siku moja tu baada ya upekuzi uliofanywa, walitutembelea sisi na watu wetu wa ukoo na kutusaidia. Vifaa vyetu vya kielektroni vilichukuliwa wakati wa upekuzi, hilo lilimaanisha kwamba tusingeweza kujisomea Biblia. Basi ndugu hao, walituachia vifaa vyao, hivi kwamba hatukukosa chakula cha kiroho hata kwa siku moja.

Ni nini kilichowasaidia kuvumilia?

Nilijikumbusha kwamba hata matokeo ya kesi yaweje, sisi ni washindi machoni pa Yehova. Jambo kuu nililokuwa nalihitaji halikuwa kupata wakili mzuri, bali ni kuwa na uhusiano mzuri pamoja na Mungu. Tunashambuliwa licha ya kwamba hatujafanya kosa lolote. Tunaishi katika pindi ya pekee. Ni pendeleo lililoje kuhusika moja kwa moja katika mambo haya! . . . Lengo letu ni kutetea enzi kuu ya Yehova. Hatuendi mahakamani kuthibitisha kwamba sisi hatujafanya kosa lolote. Tunaenda kulitetea jina la Yehova.

Kama Sergey, kadiri tunavyolisifu jina la Yehova, tunahakikishiwa kwamba “ataikweza nguvu ya watu wake.”—Zaburi 148:13, 14.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI