MACHI 25, 2021
URUSI
HABARI ZA KARIBUNI | Ndugu Sergey Melnikov Anamshukuru Yehova kwa “Nguvu Zinazopita Zile za Kawaida” Alipokuwa Kizuizini kwa Sababu ya Imani Yake
Mei 12, 2022, Mahakama ya Eneo la Primorye ilikataa rufaa ya Ndugu Sergey Melnikov. Hahitaji kwenda gerezani wakati huu.
Februari 3, 2022, Mahakama ya Wilaya ya Ussuriyskiy katika Eneo la Primorye ilimhukumu Sergey. Alipewa kifungo cha nyumbani cha miaka mitatu.
Maelezo Mafupi Kumhusu
Sergey Melnikov
Alizaliwa: 1973 (Terney, Eneo la Primorye)
Maisha Yake: Amefanya kazi akiwa seremala, zima-moto, mvuvi, na kazi ya kusafisha majengo. Alipokuwa kijana alifurahia kucheza mpira wa magongo na wa wavu. Alianza kujifunza Biblia na Mashahidi wa Yehova mwaka wa 2000 hivi. Alihamia Ussuriysk mwaka wa 2003 na akabatizwa baadaye mwaka huo
Historia ya Kesi
Kesi ya uhalifu inayomhusu Ndugu Sergey Melnikov ilianza Juni 2019. Wenye mamlaka walimkamata alipokuwa akizungumzia habari ya Biblia pamoja na mwanamume aliyependezwa. Pia wenye mamlaka walichunguza nyumba yake na kuchukua kompyuta na simu yake.
Sergey aliwekwa mahabusu kwa miezi minne na siku 145 chini ya kifungo cha nyumbani. Nyakati fulani Sergey alihisi hakuwa na nguvu za kuvumilia. Katika pindi hizo angekumbuka maneno ya 1 Wakorintho 10:13 na mara moja alijihisi vizuri. Anasema hivi: “Nilitambua kwamba Yehova alikuwa akiruhusu majaribu hayo, na hilo lilimaanisha ningeweza kuyavumilia. Yehova alinipa ‘nguvu zinazopita zile za kawaida.’”—2 Wakorintho 4:7.
Februari 25, 2020, Sergey aliachiliwa kutoka kifungo cha nyumbani. Hata hivyo, aliwekewa vizuizi vya kusafiri.
Tunaposubiri uamuzi wa kesi yake, tuna uhakika kwamba Yehova ataendelea kuwa ‘msaada na ngao’ kwa Sergey na pia kwa ndugu na dada zetu nchini Urusi.—Zaburi 115:11.
Huenda Ukapenda Pia
TAARIFA ZA HABARI
Wamefungwa kwa Sababu ya Imani Yao—Urusi
Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.