JANUARI 7, 2022
URUSI

HABARI ZA KARIBUNI | Ndugu Vladimir Chesnokov, Vladimir Dutkin, na Valeriy Yakovlev Wafikishwa Mahakamani kwa Kumwamini Mungu

CHEZA

Aprili 13, 2022, Mahakama Kuu ya Jamhuri ya Chuvash ilikataa rufaa ya Ndugu Vladimir Chesnokov, Ndugu Vladimir Dutkin, na Ndugu Valeriy Yakovlev. Hivyo wanapaswa kulipa faini walizohukumiwa.

Februari 10, 2022, Mahakama ya Wilaya ya Kalininskiy iliyoko Cheboksary iliwahukumu Ndugu Chesnokov, Ndugu Dutkin, na Ndugu Yakovlev. Ndugu Dutkin alitozwa faini ya rubo 500,000 (dola 6,715 za Marekani), na Ndugu Chesnokov na Ndugu Yakovlev walitozwa faini ya rubo 400,000 (dola 5,372 za Marekani) kila mmoja. Hawahitaji kwenda gerezani wakati huu.

Mfuatano wa Wakati

Juni 7, 2021

Vladimir Chesnokov na Valeriy Yakovlev waliongezwa kwenye kesi hiyo ya uhalifu
Desemba 30, 2020

Vladimir Dutkin alishtakiwa na kuwekewa vizuizi vya kusafiri
Novemba 25, 2020

Kesi ya uhalifu ilianzishwa dhidi ya Vladimir Dutkin, na baada ya hapo nyumba yake ikafanyiwa upekuzi. Alipelekwa kituoni kuhojiwa

Maelezo Mafupi Kuwahusu

Vladimir Chesnokov

Alizaliwa: 1959 (Bakhmutovo, Jamhuri ya Chuvash)

Maisha Yake: Alihitimu shule ya jeshi akiwa luteni. Yeye na mke wake, Nina, wana watoto watatu wa kiume

Alipokuwa jeshini, alijifunza kuhusu ahadi ya Biblia kwamba watu “watafua panga zao ziwe majembe ya plau na mikuki yao iwe miundu.” (Isaya 2:4) Alistaafu kutoka jeshini na kubatizwa mwaka wa 1993

Maelezo ya Kibinafsi

Umepata msaada gani wa kibinafsi kutoka kwa akina ndugu?

Akina ndugu na dada wamekuwa msaada mkubwa sana kwetu. . . . Walichukua hatua ya kwanza kujua ni msaada gani wa kifedha ambao tutahitaji iwapo kadi zetu za benki zingezuiliwa. Hilo lilimvutia sana mke wangu, ambaye kwa sasa bado si Shahidi. Sasa ameanza kuona faida inayopatikana kwa kutumia kweli za Biblia. Ameanza kuvutiwa zaidi na kweli na sasa ameacha kujaribu kunizuia kumwabudu Yehova, kama alivyokuwa akifanya zamani.

Vladimir Dutkin

Alizaliwa: 1963 (Novoaltaysk, Eneo la Altai)

Maisha Yake: Alicheza michezo ya aina mbalimbali alipokuwa kijana kama vile, mpira wa wavu, mpira wa miguu, na mpira wa magongo. Anafanya kazi akiwa ajenti wa bima

Kujifunza unabii wa Biblia na jinsi ulivyotimizwa kulimsaidia kuwa na imani yenye nguvu katika Yehova Mungu. Alibatizwa mwaka wa 2002

Maelezo ya Kibinafsi

Ni nini kinachokupa nguvu wakati huu mgumu?

Baada ya nyumba yangu kufanyiwa upekuzi, nilisali ili nipate shangwe na hekima. Wakati wa kipindi hiki chote nimetafakari jinsi mwenendo wangu mzuri unavyoweza kusaidia kulitakasa jina la Yehova. . . . Mawazo hayo yanaendelea kuniimarisha.

[Pia, ninafurahia] kuwaeleza akina ndugu na dada baraka ninazopata. Ninapofanya hivyo ninatambua kwamba imani yao inaimarishwa . . . Inapendeza kusikia baadhi yao wakisema woga wao umepungua baada ya kuona mfano nilioweka.

Kusoma na kutafakari Neno la Mungu lililoongozwa na roho kunasaidia ndugu na dada zetu kukabili changamoto zao za kila siku na kujionea Yehova ‘akiwaficha katika banda lake siku ya msiba.’—Zaburi 27:5.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI