FEBRUARI 3, 2022
URUSI

HABARI ZA KARIBUNI—OMBI LA RUFAA LAKATALIWA | Ndugu Aleksey Smelov Anapata Msaada Kutoka kwa Yehova Unaomsaidia Kuvumilia

CHEZA

Septemba 27, 2022, Mahakama Kuu ya Jamhuri ya Karelia ilikataa ombi la rufaa la Ndugu Aleksey Smelov. Sasa atalazimika kutoa faini.

Aprili 21, 2022, Mahakama ya Jiji la Kondopoga la Jamhuri ya Karelia ilimhukumu Aleksey. Alitozwa faini ya rubo 400,000 (au dola 5,012 za Marekani).

Mfuatano wa Matukio

Julai 23, 2019

Wenye mamlaka walifungua kesi ya uhalifu dhidi ya Aleksey, wakisema alikuwa mmoja wa viongozi katika shirika la kidini lililopigwa marufuku na kwamba alishiriki kupanga mikutano na “utendaji wa kueneza propaganda”
Julai 31, 2019

Maofisa wa FSB walivamia nyumba 15 na maeneo ya kazi ya Mashahidi wa Yehova katika majiji ya Kondopoga na Petrozavodsk. Maofisa waliojifanya kuwa mafundi-bomba waliingia kwenye nyumba ya akina Smelov na kufanya upekuzi. Aleksey na mke wake, Irina, walipelekwa kwenye ofisi ya FSB katika eneo hilo na kuhojiwa. Aleksey alipelekwa baadaye kwenye makao makuu ya FSB huko Petrozavodsk. Saa 5:30 usiku aliachiliwa na kuagizwa asiondoke mji wa nyumbani
Agosti 7, 2019

Wenye mamlaka walimshtaki Aleksey kwa uhalifu chini ya Sehemu ya 1 ya Kifungu Na. 282.2 cha Sheria ya Uhalifu ya Shirikisho la Urusi
Aprili 9, 2020

Upelelezi ulisitishwa kwa sababu ya janga la COVID-19
Juni 8, 2020

Upelelezi ulianza tena

Maelezo Mafupi Kumhusu

Aleksey Smelov

Alizaliwa: 1974 (Kondopoga)

Maisha Yake: Alipokuwa kijana, alikuwa stadi katika michezo ya mpira wa magongo na kuogelea. Alifanya kazi akiwa mekanika kwenye kiwanda cha karatasi. Amefanya kazi akiwa mhandisi wa mitambo kwa miaka kadhaa ambayo imepita. Alikutana na mke wake Irina mwaka wa 1993. Walifunga ndoa miaka miwili baadaye. Wana watoto watatu, wawili kati yao bado wanaishi nyumbani

Tangu alipokuwa mtoto, alijiuliza ni nini kinachotokea baada ya kifo. Alijifunza Biblia na Mashahidi wa Yehova na kujifunza kuhusu tumaini la Biblia la ufufuo wa wafu. Kwa sababu hiyo, alichochewa kupatanisha maisha yake na viwango vya Kimaandiko. Alibatizwa mwaka wa 2004

Maelezo ya Kibinafsi

Je, umejionea msaada wa Yehova wakati wa kipindi hiki?

Wakati wa majaribu haya, uhusiano wangu na Yehova umeimarishwa kwa sababu nimeona msaada ambao amenipa wa kutatua matatizo mengi. Kwa mfano, upekuzi ulipokuwa ukiendelea, vifaa vyetu vyote vya kielektroni vilichukuliwa. Hilo lingeweza kutuzuia kupata chakula cha kiroho na kutunyima uwezo wa kuhudhuria mikutano ya kutaniko. Tulisali Yehova atatue hali hiyo. Msaada ulikuja upesi kupitia waabudu wenzetu. Siku chache tu baadaye, tulipata simu na tablet. Tukiwa na vifaa hivyo, tungeweza kusoma andiko la siku na Biblia. Huo ulikuwa msaada wa pekee kutoka kwa Yehova.

Ungependa kuwapa wengine ushauri gani wanaojitayarisha kwa ajili ya mateso ya wakati ujao?

Usiogope chochote wala usimwogope yeyote! Baba yetu anadhibiti kila kitu. (2 Mambo ya Nyakati 16:9a) Kumbuka kwamba ni pendeleo kubwa kulitakasa jina la Yehova na kusimama upande wake katika suala la enzi kuu ya ulimwengu wote!

Kama Aleksey, tuna uhakika kwamba Yehova ataendelea ‘kudhihirisha nguvu zake kwa niaba’ ya wale wote wanaoteswa.—2 Mambo ya Nyakati 16:9.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI