SEPTEMBA 23, 2021
URUSI

HABARI ZA KARIBUNI—RUFAA IMEKATALIWA | Dada Sita na Ndugu Mmoja Wanamtegemea Yehova na Waabudu Wenzao Wakati wa Kesi Yao

CHEZA

Septemba 26, 2022, Mahakama ya Eneo la Primorye ilikataa ombi la rufaa ya Dada Nadezhda Anoykina, Lyubov Galaktionova, Nailya Kogay, Nina Purge, Raisa Usanova, na Ndugu Valentin Osadchuk. Wote hawahitaji kwenda gerezani wakati huu.

Juni 1, 2022, Mahakama ya Wilaya ya Leninskiy iliyoko Vladivostok iliwahukumu Nadezhda, Lyubov, Nailya, Nina, Raisa, Yelena, na Valentin. Akina dada walipewa vifungo vya nje vya miaka miwili. Valentin alipewa kifungo cha nje cha miaka sita. Kwa sasa kesi dhidi ya Dada Yelena Zayshchuk ambaye ana umri wa miaka 87 imeahirishwa kwa sababu yeye ni mgonjwa sana.

Mfuatano wa Matukio

Januari 19, 2021

Kesi ya uhalifu ilihamishiwa kwenye Mahakama ya Wilaya ya Leninskiy iliyoko Vladivostok
Novemba 12, 2019

Kesi ya uhalifu ilirudishwa kwenye ofisi ya mwendesha-mashtaka
Aprili 5, 2019

Baada ya kuwa mahabusu kwa siku 274, Valentin, ambaye ndiye ndugu pekee aliyehusishwa katika kesi hiyo, aliachiliwa. Aliwekwa chini ya kifungo cha nyumbani
Aprili 19, 2018

Maofisa wa Idara ya Usalama wa Taifa (FSB) walifanya upekuzi katika nyumba saba za Mashahidi
Aprili 9, 2018

Idara ya Uchunguzi ya FSB katika Eneo la Primorsky ilifungua kesi dhidi ya Valentin na dada hao sita

Maelezo Mafupi Kuwahusu

Nailya Kogay

Alizaliwa: 1951 (Tashkent, Uzbekistan)

Maisha Yake: Ana ndugu wawili. Alipokuwa mtoto alipenda kucheza michezo mbalimbali. Alipohitimu chuo, akawa mhandisi serikalini. Sasa amestaafu. Aliolewa na Robert mwaka wa 1975. Wana watoto wawili. Mwaka wa 1989, Robert alipata ulemavu, na hivyo lazima awe na mtu wa kumtunza muda wote. Walihamia Vladivostok mwaka wa 2003

Alipojifunza na Mashahidi wa Yehova alisadiki kwamba Biblia ni Neno la Mungu. Alipendezwa na jinsi Biblia inavyopatana na akili na pia alivutiwa na upendo wa Mungu. Alibatizwa mwaka wa 1997

Maelezo ya Kibinafsi

Je, umeambiwa jambo lenye kutia moyo na mhubiri kutanikoni ambalo limekusaidia kuvumilia jaribu hili?

Nimewasikia dada wengi wakisema; ‘Wewe umetuwekea mfano, kielelezo cha kuiga. Tunajivunia uaminifu wako. Ikiwa wewe unaweza kuvumilia, sisi pia tunaweza!’

Nina Purge

Alizaliwa: 1940 (Pesok, Eneo la Pskov)

Maisha Yake: Ana ndugu mmoja mwenye umri mdogo kuliko yeye. Alilelewa wakati wa Vita vya Pili vya Ulimwengu. Mwaka wa 1942, askari Wajerumani waliteka kijiji chao. Familia yao iliponyoka chupuchupu kuuawa na Wanazi

Aliolewa mume wake alipokuwa akisoma katika Shule ya Wanamaji ya Estonia. Wana watoto wawili. Familia yao ilihamia Vladivostok, mume wake alipohamishwa huko kikazi

Alianza kujifunza Biblia na Mashahidi wa Yehova katika miaka ya mwishoni ya 1990. Alijifunza kwamba sikuzote anaweza kumtegemea Mungu ili kupata msaada. Alibatizwa mwaka wa 1999

Maelezo ya Kibinafsi

Uhusiano wako na Yehova umeimarishwaje kupitia hali hii?

Nimejifunza kumtumaini Yehova zaidi. Nilimwomba anipe nguvu za kuvumilia hadi mwisho na kudumisha ushikamanifu. Isaya 41:13 imenisaidia kuwa jasiri, kwa kuwa nimehisi Baba yangu [wa mbinguni] akinishika mkono. Niko tayari kukabiliana na jambo lolote.

Raisa Usanova

Alizaliwa: 1947 (Kuznetsovo)

Maisha Yake: Ana ndugu watatu na dada mmoja. Baada ya kumaliza shule ya sekondari, alihamia Vladivostok ili kujifunza kuwa fundi mitambo wa gari-moshi. Aliolewa na akapata binti wawili. Alifanya kazi kwa miaka 25 akiendesha gari-moshi dogo. Sasa amestaafu

Mwaka wa 2000, baada ya kufiwa na mama yake, dada yake, na ndugu yake mmoja, alianza kujiuliza kwa nini watu hufa na ikiwa kuna tumaini lolote kwa waliokufa. Alipojifunza Biblia na Mashahidi wa Yehova alipata majibu yanayopatana na akili na yaliyomsadikisha. Alibatizwa mwaka wa 2002

Maelezo ya Kibinafsi

Umejifunza nini wakati wa jaribu hili ambalo litakusaidia kujitayarisha kwa ajili ya majaribu mengine?

Nimejifunza kujizuia, hasa kuhusu maneno ninayosema, kutia ndani uvumilivu na uwezo wa kumtegemea Yehova. Nilianza kujifunza Biblia hata zaidi. . . Ninataka kuendelea kuwa mwaminifu hadi mwisho.

Unajitayarishaje kwa ajili ya mateso unayoweza kupata?

[Ninajaribu] kutafakari mistari mingi ambayo roho ‘itanikumbusha’ baadaye wakati unaofaa.—Yohana 14:26.

Tunaendelea kutiwa moyo na mifano mizuri ya ndugu na dada zetu wapendwa nchini Urusi. Wanajithibitisha kuwa aina ya watu walio na imani ya kuhifadhi uhai.—Waebrania 10:39.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI