MACHI 4, 2022
URUSI

HABARI ZA KARIBUNI—RUFAA YAKATALIWA | Dada Lyudmila Shchekoldina Anaimarishwa na Maneno ya Wengine Yenye Kutia Moyo

CHEZA

Oktoba 6, 2022, Mahakama ya Eneo la Krasnodar ilikataa rufaa ya Dada Lyudmila Shchekoldina. Ataendelea kukaa gerezani.

Mei 23, 2022 Mahakama ya Wilaya ya Pavlovskiy iliyo katika Eneo la Krasnodar ilimhukumu Lyudmila kifungo cha miaka minne na mwezi mmoja gerezani. Hukumu yake ilianza mara moja.

Mfuatano wa Matukio

Aprili 23, 2020

Kesi ya uhalifu ilianzishwa baada ya Lyudmila kuzungumza na mpelelezi kuhusu Biblia bila kujua
Aprili 29, 2020

Wenye mamlaka walifanya msako kwenye nyumba ya Lyudmila kwa saa tisa na kumhoji. Alishtakiwa rasmi kwa kuendeleza utendaji wa shirika lenye msimamo mkali
Juni 21, 2021

Kesi ya uhalifu ilianza

Maelezo Mafupi Kumhusu

Lyudmila Shchekoldina

Alizaliwa: 1976 (Aleksandrovka, Eneo la Krasnodar)

Maisha Yake: Alipokuwa mtoto alijifunza kucheza piano. Ni mwalimu

Alikuwa na maswali kuhusu chanzo cha uhai na kwa nini kuna ukosefu wa haki. Alianza kujifunza Biblia na Mashahidi wa Yehova na akapata majibu yenye kuridhisha. Alibatizwa mwaka 1995

Maelezo ya Kibinafsi

Wengine wamekutia moyo jinsi gani?

Hivi karibuni baadhi ya akina dada walinitengenezea video. Mmoja wao aliniambia hivi katika video hiyo: “Ninapofikiria kukuhusu, kinachonijia akilini mara moja ni mfano wa msichana mdogo Mwisraeli. Kwa nini? Alionekana kama mtoto dhaifu, lakini alitenda kama shujaa asiye na woga! Ninaona kwamba wewe pia unaonyesha ujasiri kama huo.”

Mwangalizi wa mzunguko alinitumia barua yenye mistari ya Biblia yenye kutia moyo. Mstari mmoja ulikuwa Zaburi 68:28. Aliniandikia hivi kuhusu andiko hilo: “Unapitia wakati mgumu. Lakini nina uhakika kwamba upendo wako kwa Yehova na ushikamanifu wako kwake utakusaidia kuwa na nguvu. . . . Yehova anajivunia watumishi wake washikamanifu.”

Nimetunza maelezo yote hayo yenye kutia moyo nami huyasoma tena na tena.

Tuna uhakika kwamba kwa msaada wa Yehova, Lyudmila na ndugu na dada zetu waaminifu wanaokabiliana na majaribu wataendelea kuwa na nguvu.—Zaburi 68:28.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI