DESEMBA 30, 2021
URUSI

HABARI ZA KARIBUNI—RUFAA YAKATALIWA | Kumtumaini Yehova Kunamsaidia Ndugu Nikolayev Kuwa na Amani

CHEZA

Oktoba 20, 2022, Mahakama ya Eneo la Krasnodar ilikataa ombi la rufaa la Ndugu Aleksandr Nikolayev. Ataendelea kukaa gerezani.

Mfuatano wa Matukio

Desemba 23, 2021

Mahakama ya Wilaya ya Abinskiy iliyo katika Eneo la Krasnodar ilimhukumu Aleksandr kifungo cha miaka miwili na miezi sita gerezani.
Septemba 30, 2021

Aliwekwa kizuizini
Agosti 4, 2021

Kesi ya uhalifu ilianza
Mei 26, 2021

Anashtakiwa kwa sababu ya kuwa na mazungumzo ya Biblia na familia na marafiki, na wapelelezi wanaona jambo hilo kuwa “kosa la uhalifu dhidi ya misingi ya katiba na usalama wa taifa.”
Aprili 7, 2021

Saa 12 asubuhi, maofisa wa FSB, wakiandamana na polisi wa kuzuia ghasia, walifanya msako katika nyumba ya familia ya Nikolayev. Walimchukua Aleksandr ili wakamhoji na baadaye wakamwachilia
Machi 31, 2021

Kesi ya uhalifu dhidi ya Aleksandr ilianzishwa

Maelezo Mafupi Kumhusu

Aleksandr Nikolayev

Alizaliwa: 1973 (Salavat, Jamhuri ya Bashkortostan)

Maisha Yake: Akiwa na umri wa miaka 18, aliandikishwa katika Jeshi la Wanamaji la Urusi. Baadaye alihitimu chuo cha ufundi na akawa fundi wa kurekebisha vifaa vya nyumbani.

Alifunga ndoa na Yevgeniya mwaka wa 1997. Wana wao watatu ni watu wazima, na pia wanawalea binti wawili, mmoja ana umri wa miaka 10, na mwingine 12. Familia hiyo inapenda kwenda kwenye ufuo wa bahari na kufanya matembezi msituni

Walianza kujifunza Biblia na Mashahidi wa Yehova mwaka wa 1995 hivi. Walipendezwa kujifunza kwamba Yesu si Mungu, na Mungu ana jina, yaani, Yehova. Alibatizwa mwaka wa 1996

Maelezo ya Kibinafsi

Ni sifa gani hususa inayokusaidia kuvumilia?

Ninajiuliza ikiwa ninamtumaini Mungu kiasi cha kwamba, nitaendelea kuwa mwaminifu hadi mwisho. Nimetambua kwamba kuogopa mwanadamu na kuogopa mambo yanayoweza kutokea kunaweza kuathiri mawazo yangu. Basi ninajaribu kudhibiti woga huo ili usiniathiri. Yehova amenipa nguvu za kufanya hivyo. Ingawa moyo wangu ulikuwa ukipiga kwa nguvu wenye mamlaka walipokuja kufanya msako, nilihisi nikiwa na amani.

Tuna imani kwamba Aleksandr na ndugu na dada zetu wote waaminifu walio Urusi na Crimea, watabarikiwa kwa kuweka tumaini na uhakika wao katika Yehova.—Yeremia 17:7.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI