JUNI 7, 2022 | HABARI ZIMEONGEZWA: NOVEMBA 21, 2023
URUSI

HABARI ZA KARIBUNI—UAMUZI WABADILISHWA | Andrey Anasadiki Kwamba Yehova Anampenda na Anamtegemeza

CHEZA

Novemba 20, 2023, Mahakama ya Eneo Lililotengwa la Khanty-Mansi ilibadili uamuzi wa kumwondolea mashtaka Ndugu Andrey Zhukov. Kesi yake itarudishwa ili kusikilizwa tena.Mahakama ya Wilaya ya Yugorskiy iliyo katika Eneo Lililotengwa la Khanty-Mansi—Yugra imebatilisha uamuzi wake katika kesi inayomhusu Ndugu Andrey Zhukov. Hakupatikana na hatia yoyote kwa mashtaka yote yaliyokuwa yakimkabili.

Mfuatano wa Matukio

Agosti 17, 2020

Wenye mamlaka walifungua kesi ya uhalifu dhidi ya Andrey kwa madai ya kwamba alikuwa akiongoza mikutano ya siri ya shirika “lenye msimamo mkali”
Agosti 19, 2020

Nyumba tisa za Mashahidi wa Yehova zilivamiwa kutia ndani nyumba ya Andrey. Aliwekwa kizuizini
Agosti 20, 2020

Aliachiliwa lakini akawekewa vizuizi
Januari 14, 2021

Andrey aliwekwa kwenye orodha ya watu wenye msimamo mkali, na akaunti yake ya benki ikazuiliwa
Agosti 4, 2021

Wenye mamlaka waliongeza mashtaka dhidi ya Andrey. Mashtaka hayo yalitia ndani, “kusali kwa Yehova Mungu, kufanya mikutano wa kidini, na kusoma machapisho ya kidini.” Baadaye alihojiwa
Oktoba 15, 2021

Maombi ya kukomesha kesi hiyo yalikataliwa
Desemba 29, 2021

Kesi ilianza

Maelezo Mafupi Kumhusu

Andrey Zhukov

Alizaliwa: 1972 (Chelyabinsk, Eneo la Chelyabinsk)

Maisha Yake: Alikuwa fundi wa kurekebisha ndege. Anapenda kuwajengea ndege nyumba na kukusanya uyoga

Mwaka wa 1998 mfanyakazi mwenzake alimweleza kuhusu Mashahidi wa Yehova. Aliguswa moyo na jinsi Biblia ilivyo yenye hekima, ni rahisi kueleweka na yenye upatano. Alibatizwa mwaka wa 2002. Alifunga ndoa na Svetlana mwaka wa 2006. Wana mwana mmoja

Maelezo ya Kibinafsi

Ni nini kinachokugusa moyo zaidi kuhusu utegemezo ambao umepata kutoka kwa ndugu na dada?

Ndugu na dada wengi kutoka miji mbalimbali kutia ndani mwangalizi wa mzunguko na mke wake, walikuja mara zote mbili nilizofikishwa mbele ya mahakama ili kunitia moyo. . . . Walikuja licha ya kwamba kulikuwa na vizuizi vilivyowekwa kwa sababu ya janga la COVID-19 na hivyo hawangeruhusiwa kuingia mahakamani, na basi kile tu ambacho wangeweza kufanya ni kusimama nje ya mahakama kwa saa kadhaa.

Jambo hili ambalo umejionea limekusaidiaje kuendelea kumtumaini Yehova hata zaidi?

Ninasadiki kwamba tunapokabili hali ngumu, Yehova hutupatia amani moyoni na uwezo wa kufikiri unaotusaidia kufanya maamuzi mazuri. Sasa, ninaamini hata zaidi kwamba Yehova ataendelea kutupatia msaada tunapokabili hali ngumu.

Utegemezo ambao Yehova anampa Andrey na ndugu na dada zetu wapendwa wanaokabili upinzani ni‘uthibitisho wa wema wake’ na unaonyesha waziwazi kwamba Yehova ni ‘msaidizi na mfariji wetu.’—Zaburi 86:17; maelezo ya chini.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI