AGOSTI 8, 2022 | TAREHE YA KARIBUNI: DESEMBA 29, 2022
URUSI

HABARI ZA KARIBUNI—UAMUZI WAPINDULIWA | Kujitayarisha Kulimsaidia Aleksandr Kabanov Kubaki Mtulivu

CHEZA

Desemba 27, 2022, Mahakama ya Eneo la Krasnoyarsk ilipindua kifungo cha nje cha miaka miwili na miezi sita alichopewa Ndugu Aleksandr Kabanov na ikaomba kesi yake isikilizwe upya. Agosti 5, 2022, Mahakama ya Jiji la Zelenogorsk ilitangaza uamuzi wake katika kesi inayomhusu Ndugu Kabanov lakini alikata rufaa. Amezuiwa kuondoka katika eneo hilo anaposubiri kesi yake isikilizwe upya.

Mahakama ya Jiji la Zelenogorsk iliyo katika Eneo la Krasnoyarsk itatangaza hivi karibuni uamuzi wake katika kesi inayomhusu Ndugu Aleksandr Kabanov. Mwendesha-mashtaka ameomba Aleksandr afungwe kifungo cha miaka miwili na miezi sita gerezani.

Mfuatano wa Matukio

Desemba 26, 2019

Alikamatwa na akashtakiwa kwa madai ya kushiriki katika utendaji wa shirika lenye msimamo mkali lililopigwa marufuku, kama vile kusoma Biblia na kuzungumza na watu kumhusu Yehova. Aliwekwa mahabusu
Desemba 27, 2019

Aliachiliwa kutoka mahabusu baada ya hakimu kukataa ombi la mpelelezi kwamba aendelee kukaa mahabusu
Desemba 6, 2021

Aleksandr alitoa maelezo yake ya mwisho mahakamani. Badala ya kutoa uamuzi, hakimu alirudisha kesi hiyo kwenye hatua ya uchunguzi, na hivyo akarefusha muda ambao kesi hiyo itatumia
Machi 25, 2022

Kesi ya uhalifu ilianza tena

Maelezo Mafupi Kumhusu

Aleksandr Kabanov

Alizaliwa: 1960 (Kansk, Eneo la Krasnoyarsk)

Maisha Yake: Anafanya kazi ya kutunza bustani

Mama yake alipokufa, Aleksandr alijiuliza: Inakuwaje mtu anapokufa? Je, anaenda kwenye moto wa mateso? Kwa nini Mungu anaruhusu kuteseka? Alipata majibu na faraja katika Biblia. Alibatizwa na kuwa Shahidi wa Yehova mwaka wa 2004

Maelezo ya Kibinafsi

Ni nini ambacho kimekusaidia kuvumilia mateso kwa shangwe?

Tangu mateso yalipoanza, nimejitahidi sana kutanguliza maishani mwangu uhusiano wangu na Yehova na pia ratiba yangu ya kiroho. Kufanya hivyo, kumenisaidia kudumisha shangwe yangu na kutokuwa na wasiwasi kupita kiasi.

Nilijitayarisha kiakili kukabili mateso kwa kutafakari maneno haya yaliyo kwenye Biblia: “Ikiwa wamenitesa mimi, watawatesa ninyi pia.” (Yohana 15:20) Nilijua kwamba nitakabili mateso pindi moja au nyingine.

Unasali kuhusu nini unaposubiri uamuzi wa mahakama?

Ningependa kuwa mfano mzuri kwa ajili ya akina ndugu na dada. Ninasali kwamba sisi sote tuendelee kuwa na shangwe na utulivu na pia tuendelee kushiriki katika utendaji wa kiroho. Vilevile, ninasali kwamba sote tuendeleze umoja na amani inayohitajika ili kuendelea kubaki waaminifu na kuvumilia hadi mwisho.

Ndugu na dada zetu nchini Urusi ni mifano mizuri ya imani na wanaishi kupatana na maneno haya ya Isaya 12:2: “Tazama! Mungu ni wokovu wangu. Nitamtumaini nami sitaogopa; Kwa maana Yah Yehova ni nguvu zangu na uwezo wangu.”

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI