JANUARI 13, 2022
URUSI

HABARI ZA KARIBUNI | Uhakika Katika Yehova Unamsaidia Ndugu Yevstigneev Kudumisha Uaminifu

CHEZA

Agosti 1, 2022, Mahakama ya Eneo la Nizhny Novgorod ilikataa ombi la rufaa la Ndugu Kirill Yevstigneev. Hahitaji kwenda gerezani wakati huu.

Mei 12, 2022, Mahakama ya Wilaya ya Leninskiy iliyo katika Jiji la Nizhny Novgorod ilimhukumu Kirill kifungo cha nje cha miaka mitatu.

Mfuatano wa Matukio

Oktoba 8, 2021

Kesi ya uhalifu ilianza. Katika maelezo yake kwa hakimu, Kirill alieleza kwamba kikusanyiko hicho hakikuwa cha kidini bali kikusanyiko cha kirafiki
Agosti 24, 2021

Kirill aliwekewa vizuizi vya kusafiri
Septemba 2, 2020

Kesi ya uhalifu ilianzishwa dhidi ya Kirill na akashtakiwa “kuunga mkono kifedha utendaji wenye msimamo mkali” kwa sababu alikodisha chumba cha mkutano
Julai 11, 2019

Wenye mamlaka walimkazia fikira Kirill kwa sababu yeye ndiye aliyetia sahihi mkataba kwa ajili ya chumba cha mkutano; nyumba yake ilifanyiwa upekuzi
Juni 4, 2019

Uchunguzi ulianzishwa dhidi ya “watu wasiotambulishwa” kwa sababu ya kikusanyiko hicho
Aprili 2019

Kirill na baadhi ya Mashahidi wa Yehova katika Nizhny Novgorod walikodi chumba cha mkutano kwa ajili ya kikusanyiko cha kirafiki

Maelezo Mafupi Kumhusu

Kirill Yevstigneev

Alizaliwa: 1979 (Nizhny Novgorod)

Maisha Yake: Anarekebisha na kudumisha matangi ya hewa iliyoshindiliwa. Alijifunza kweli za Biblia kutoka kwa mama yake. Alivutiwa na sifa nzuri zilizoonyeshwa na watu kutanikoni. Alibatizwa mwaka wa 1998. Alifunga ndoa na Anastasiya mwaka wa 2002

Maelezo ya Kibinafsi

Ni masimulizi gani ya Biblia ambayo yamekuchochea katika kipindi hiki?

Yosefu, mwana wa Yakobo, alikabili majaribu makali kuliko yale ninayokabili, hata hivyo, aliendelea kuvumilia na kumtegemea Yehova. Mfano wa Yosefu, na pia kujua jinsi Mungu alivyoshughulikia kisa chake, kunanichochea nisife moyo.

Mambo ambayo umekabili yamekufundisha nini kumhusu Yehova?

Jina la Yehova linamaanisha kwamba anaweza kuwafanya watumishi wake wawe chochote kinachohitajika ili kutimiza kusudi lake. Hata hatuwezi kuwazia mambo tunayoweza kutimiza kwa msaada wake.

Nimejifunza jinsi ilivyo muhimu kuwa na uhakika katika Yehova. . . . Badala ya kufikiria ni aina gani ya mateso ninayoweza kukabili, mimi hufikiria jinsi nitakavyomtii Yehova na kuwaonyesha ndugu zangu kwamba ninawapenda. Kwa msaada wa Yehova, ninaweza kukabiliana kwa mafanikio na mateso yoyote ninayokabili.

Tunaendelea kuwa na uhakika tunaposikia kuhusu ujasiri ambao Kirill, mke wake, na ndugu na dada wote waaminifu nchini Urusi na Crimea wanaonyesha licha ya mateso wanayokabili.—Wafilipi 1:13, 14.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI