NOVEMBA 18, 2021
URUSI

HABARI ZA KARIBUNI | Urafiki Wake na Yehova na Pia na Mashahidi Wengine Unamsaidia Ndugu Andrey Ledyaykin Kubaki Imara

CHEZA

Aprili 26, 2022, Mahakama ya Jiji la Seversk iliyo katika Eneo la Tomsk ilimhukumu Ndugu Andrey Ledyaykin kifungo cha miezi 26 gerezani. Alipelekwa kizuizini moja kwa moja.

Mfuatano wa Matukio

Julai 12, 2021

Kesi ilianza
Machi 30, 2021

Alishtakiwa kwa kushiriki katika utendaji wenye msimamo mkali
Machi 29, 2021

Aliwekewa vizuizi vya kusafiri
Machi 25, 2021

Kesi ya uhalifu ilifunguliwa dhidi ya Andrey. Na kwa sababu hiyo, alifukuzwa kazini
Julai 14, 2020

Maofisa wa Idara ya Usalama wa Taifa (FSB) pamoja na polisi wengine wawili walienda kumkamata Andrey akiwa kazini. Baada ya hapo, walipekua nyumba yake kwa saa 12
Machi-Aprili 2020

Ofisa wa FSB alijifanya kuwa anapendezwa na Biblia na akachukua video kwa siri ya mazungumzo yake na Andrey wakiwa pamoja na ndugu na dada wengine

Maelezo Mafupi Kumhusu

Andrey Ledyaykin

Alizaliwa: 1988 (Seversk, Eneo la Tomsk)

Maisha Yake: Anapenda kuteleza kwenye theluji na barafu, kuogelea, na kufanya matembezi huku akichunguza uumbaji. Alifanya kazi ya uhasibu

Baada ya kufiwa na babu yake, alijiuliza maswali mengi kuhusu kifo, Mungu, na wakati ujao. Rafiki yake alipomwalika ahudhurie mkutano wa Mashahidi wa Yehova, alisita kidogo. Lakini alipohudhuria alivutiwa mara moja na upendo alioonyeshwa. Alibatizwa mwaka wa 2013. Kwa sasa, ni yeye tu aliyebatizwa katika familia yake

Maelezo ya Kibinafsi

Urafiki wako na Yehova umekuimarishaje?

Yehova hajawahi kuniacha katika kipindi hiki chote . . . Katika kipindi hiki, nimeona akinitegemeza hata zaidi kuliko wakati mwingine wowote tangu nimeanza kumtumkia. Anajua ninateseka kwa ajili ya jina lake, na yeye hawaachi wale walio washikamanifu kwake. Yehova ndiye rafiki bora zaidi!

Urafiki wako na Mashahidi wengine umekutia nguvu jinsi gani?

Walinionyesha upendo mwingi sana hivi kwamba ninashindwa kuwashukuru, nimeishiwa na maneno. Ni wazi kwamba ndugu na dada zetu wanayaona matatizo au mahangaiko ya wengine kama yao wenyewe.

Tunafurahi kuona kwamba licha ya matatizo ambayo Andrey anakabili, bado anatunzwa “kwa njia ya pekee.”—Zaburi 4:3.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI